GSTV
Home » News » પહાડી વિસ્તારોમાં ભારે હિમવર્ષા, દિલ્હી સહિત મેદાની વિસ્તારોમાં હાડ થીજાવતી ઠંડી

પહાડી વિસ્તારોમાં ભારે હિમવર્ષા, દિલ્હી સહિત મેદાની વિસ્તારોમાં હાડ થીજાવતી ઠંડી

પહાડી વિસ્તારોમાં ભારે હિમવર્ષાને કારણે રાજધાની દિલ્હી સહિત મેદાની વિસ્તારોમાં તાપમાનનો પારો ઘણો નીચે ગગડ્યો છે. બર્ફિલા પવનોને કારણે લોકોને ઘરની બહાર નીકળવું મુશ્કેલ બની ગયું છે. એવામાં બેઘર લોકોની જિંદદી બેહાલ છે. હાડ થીજાવી દેતી ઠંડીને કારણે દિલ્હીમાં 14 દિવસમાં 96 બેઘરોના મોત થયા છે. તેમાં સૌથી વધુ મોત નોર્થ દિલ્હીમા થયા છે. આ એવા લોકો છે જે દિલ્હીમાં કામની શોધમાં રોજીરોટી માટે આવે છે. મોતના આ આંકડાથી ઠંડીના પ્રકોપનો જ અંદાજ તો લગાવી શકાય છે, તો સાથે એ પણ સમજી શકાય છે કે જેના માથે છત નથી તેમના માટે દિલ્હી કેટલી તૈયાર છે.

ઠંડીથી મોતનો આ દાવો સેન્ટર ફોર હોલિસ્ટિક ડેવલપમેન્ટ નામની એજન્સીએ કર્યો છે. આ આંકડા મુજબ ડિસેમ્બર 2018થી જાન્યુઆરી 2019 સુધી કુલ 331 લોકોના ઠંડીથી મોત થયાં છે. જેમાં 235 લોકોએ ડિસેમ્બર મહિનામાં પોતાનો જીવ ગુમાવ્યો હતો. જ્યારે નવા વર્ષના 14 દિવસમાં જ 96 બેઘરોના મોત થયાં છે. સેન્ટર ફોર હોલિસ્ટક ડેવલપમેન્ટે જણાવ્યું કે આ આંકડા ગૃહ મંત્રાલયની વેબસાઈટમાંથી કાઢવામાં આવ્યા છે. બર્ફિલા પવનોને કારણે હવામાન સતત ઠંડુ થઈ રહ્યું છે એવામાં બેઘર લોકોના મોતનો આંકડો ન વધે તે માટે સરકારે પર્યાપ્ત વ્યવસ્થા કરવી જોઈએ.

Related posts

અયોધ્યા ચૂકાદાની ફેર વિચારણા માટે સુપ્રીમમાં વધુ છ અરજી દાખલ

Mayur

કારગીલનું દ્રાસ સેક્ટર માઇનસ 24.3 ડિગ્રી તાપમાને થીજી ગયું

Mayur

કોંગ્રેસી સાંસદો મને મારવા વેલમાં ધસી આવ્યા હતા : સ્મૃતિ

Mayur
Do NOT follow this link or you will be banned from the site!