ગુજરાતમાં નગરપાલિકાઓની ચૂંટણીમાં ભાજપનો દબદબો જોવા મળી રહ્યો છે. રાજ્યના નાયબ મુખ્યમંત્રી નીતિન પટેલનો ગઢ મનાતા કડીમા નગરપાલિકાની ચૂંટણીમાં ભાજપનો ભવ્ય વિજય થયો છે. કડી નગરપાલિકામાં કુલ 9 વોર્ડની 36 બેઠકો પર ચૂંટણી થઈ હતી અને તેમાં 36 બેઠકોમાંથી 35 બેઠકો પર ભાજપનો વિજય થતાં કડી નગરપાલિકા ભાજપે કબજે કરી છે. કડી નગરપાલિકામાં વોર્ડ નંબર પાંચમાં એક બેઠક કોંગ્રેસને મળી છે. કડી નગરપાલિકામાં 2015 માં ભાજપે 28 બેઠકો મેળવી હતી એ જોતાં ભાજપની બેઠકોમાં વધારો થયો છે.
36 બેઠકમાંથી ભાજપનો 20 બેઠક પર વિજય
ઉત્તર ગુજરાતમાં કડી પછી અન્ય બે નગરપાલિકામાં પણ ભાજપનો ભગવો લહેરાયો છે. સાબરકાંઠાની હિંમતનગર નગરપાલિકામાં ભાજપની જીત થઈ છે. કુલ 36 બેઠકમાંથી ભાજપનો 20 બેઠક પર વિજય થયો છે. જ્યારે કોંગ્રેસે 4 બેઠકો જીતી છે. ત્યારે ભાજપનો વિજય આ પાલિકામાં થઈ ગયો છે. આ ઉપરાંત બનાસકાંઠાની ભાભર નગરપાલિકા ફરી રિપીટ થઈ છે. ભાભર પાલિકામાં ભાજપનો જ્વલંત વિજય થયો છે. 6 વોર્ડની બેઠકમાં 23 સિટ પર ભાજપનો ભગવો લહેરાયો છે. બનાસ ડેરીના ચેરમેન શંકરભાઈ ચૌધરીની મહેનત ફળી છે. ધારાસભ્ય ગેનીબેનનો દાવ પેચ ના ચાલ્યો. કોંગ્રેસને માત્ર એક જ સીટથી સંતોષ માનવાનો વારો આવ્યો છે. ભાજપની જીત થતા લોકોએ ઉત્સવ ઉજવ્યો હતો.
Read Also
- બચેલી ચાય પત્તીઓનો આ રીતે કરો ઉપયોગ, ઘણા કાર્યો થઈ જશે સરળ
- કોરોનાકાળમાં આટલી વસ્તુનું કરો સેવન, વાયરસ નજીક પણ નહીં આવે, આજે લેવાનું કરી દો શરૂ
- લૌરા જેસોર્કા(Laura Jasorka), જે તેના બધા કપડાં ઉતારી અને પર્વત પર ચઢી ગઈ
- વડોદરા: રેમડિસીવીર ઈંજેક્શનના કાળાબજાર કરતા આયુર્વેદિક ડોક્ટરની થઈ ધરપકડ
- રશિયા બનશે વધું મજબૂત: માનવરહિત ઉભા કરી રહ્યુ છે ટેંક, અમેરિકા સુધી કરી શકે છે હુમલાઓ
