GSTV
Home » News » ઇન્દિરા ગાંધી બાદ નિર્મલા સિતારમન દેશના બીજા સંરક્ષણ પ્રધાન બન્યા

ઇન્દિરા ગાંધી બાદ નિર્મલા સિતારમન દેશના બીજા સંરક્ષણ પ્રધાન બન્યા

મોદીના નવા પ્રધાન મંડળના વિસ્તરણ બાદ નિર્મલા સિતારમનને પ્રમોશન આપીને દેશના નવા સંરક્ષણ પ્રધાન બનાવાયા છે. અત્યાર સુધી નિર્મલા સિતારમન પાસે વાણિજ્ય મંત્રાલય હતું. જે સુરેશ પ્રભુને સોંપાય તેવી શક્યતા છે.

મનોહર પાર્રિકરને ગોવાના મુખ્યપ્રધાન બન્યા બાદ તેમણે રક્ષા પ્રધાન પદેથી રાજીનામુ આપ્યું હતું. અને ત્યારથી દેશને પૂર્ણ સમયના સંરક્ષણ પ્રધાન મળ્યા ન હતા. અને રક્ષા મંત્રાલયનો વધારાનો હવાલો અરુણ જેટલીનો સોંપાયો છે. ત્યારે હવે નિર્મલા સિતારમનને મોદીના પ્રધાન મંડળમાં સંરક્ષણ પ્રધાન બનાવીને પ્રમોશન મળ્યું છે.

સુરેશ પ્રભુના સ્થાને પિયૂષ ગોયલને રેલવે મંત્રાલયની જવાબદારી સોંપવામાં આવી છે. મુખ્તાર અબ્બાસ નક્વીને લઘુમતી કલ્યાણ પ્રધાનની જવાબદારી સોંપવામાં આવી છે. સ્મૃતિ ઈરાનીની પાસે ટેક્સટાઈલ તથા માહિતી અને પ્રસારણ મંત્રાલયની જ જવાબદારી રહેશે.

નીતિન ગડકરીને ગંગા અને જળ સંસાધન મંત્રાલયની જવાબદારી સોંપવામાં આવી છે. ઉમા ભારતની પીવાના પાણી અને સેનિટેશન મંત્રાલયની જવાબદારી સોંપવામાં આવી છે. રાજ્યકક્ષાના પ્રધાન હરદીપસિંહ પુરીને હાઉસિંગ અને શહેરી વિકાસના મામલાનો સ્વતંત્ર પ્રભાર સોંપવામાં આવ્યો છે. અલ્ફોન્સને રાજ્ય કક્ષાના પર્યટન પ્રધાન બનાવવામાં આવ્યા છે.

Related posts

ચીન સરહદે ઇન્ડિયન આર્મી-એરફોર્સે દેખાડ્યો દમ, ધરાથી નભ સુધી કર્યો શ્વાસ થંભાવી દે તેવો યુદ્ધાભ્યાસ

Riyaz Parmar

નવી એક્ટિવા લઈ છોકરો નીકળ્યો તો ખરો, પણ એક્ટિવા કરતાં ડબલ ભાવનો મેમો ફાટી ગયો

pratik shah

જેણે મોદીને વિજય અપાવ્યો હતો તે ફરી એક વખત નીતિશ કુમારને મુખ્યમંત્રી બનાવી શકશે ?

Mayur
Do NOT follow this link or you will be banned from the site!