GSTV
Bollywood Entertainment Trending Uncategorized

પંજાબી ગાયક સિદ્ધુ મૂઝવાલા હત્યા કેસ : ગેંગસ્ટર લોરેન્સ બિશ્નોઈની પૂછપરછ બાદ NIAએ અનેક રાજ્યોમાં 20 સ્થળોએ પાડ્યા છે દરોડા

રાષ્ટ્રીય તપાસ એજન્સી (NIA) દ્વારા આજે મંગળવારે સવારે ગેંગસ્ટર લોરેન્સ બિશ્નોઈ સાથે સંબંધિત અનેક સ્થળો પર દરોડા પાડવામાં આવી રહ્યા છે. રાજધાની દિલ્હી ઉપરાંત ઉત્તર પ્રદેશ, પંજાબ, રાજસ્થાન અને હરિયાણામાં બિશ્નોઈની નજીકના સ્થળો પર NIA દ્વારા દરોડા પાડવામાં આવી રહ્યા છે. લોરેન્સ બિશ્નોઈને થોડા દિવસો પહેલા પંજાબની જેલમાંથી દિલ્હીમાં NIA હેડક્વાર્ટર લાવવામાં આવ્યો હતો.

ગેંગસ્ટર લોરેન્સ બિશ્નોઈની પૂછપરછ બાદ આજે આ સર્ચ ઓપરેશન કરવામાં આવી રહ્યું છે. લોરેન્સને દિલ્હી લાવ્યા બાદ NIA લગભગ 5 રાજ્યોમાં દરોડા પાડી રહી છે. કહેવામાં આવી રહ્યું છે કે બિશ્વોઈની લગભગ 20 જગ્યાઓ પર આ દરોડા પાડવામાં આવ્યા છે.

બિશ્નોઈ ગેંગના ચાર સાથીઓની ધરપકડ કરવામાં આવી હતી

આ પહેલા પંજાબના રૂપનગર જિલ્લામાં લોરેન્સ બિશ્નોઈ ગેંગના ચાર સહયોગીઓની ધરપકડ કરવામાં આવી હતી. જ્યારે તેનો એક સાથી ભાગી જવામાં સફળ રહ્યો હતો. પોલીસે તેમની પાસેથી ત્રણ પિસ્તોલ, એક મેગેઝિન અને 22 જીવતા કારતૂસ જપ્ત કર્યા છે. એક વરિષ્ઠ પોલીસ અધિકારીએ સોમવારે ધરપકડ અંગે આ માહિતી આપી હતી. રૂપનગરના વરિષ્ઠ પોલીસ અધિક્ષક વિવેક શીલ સોનીએ જણાવ્યું હતું કે ધરપકડ કરાયેલા લોકો પાસેથી ત્રણ પિસ્તોલ અને 22 કારતૂસ મળી આવ્યા છે.

એક સૂચના પર કાર્યવાહી કરીને પોલીસ અધિક્ષક (જાસૂસી) માનવવિંદરબીર સિંહની આગેવાની હેઠળની એક ટીમે શનિવારે કુલદીપ સિંહ કારી, કુલવિંદર સિંહ ટિંકા, સતવીર સિંહ શમ્મી અને બિઅંત સિંહની ધરપકડ કરી હતી. એસએસપીએ કહ્યું કે ચારેય આરોપી બિશ્નોઈ ગેંગ સાથે સંકળાયેલા છે. પોલીસે જણાવ્યું કે ગયા મહિને લુધિયાણામાં કારી, ટિંકા અને શમ્મી વિરુદ્ધ હત્યાના પ્રયાસનો કેસ નોંધવામાં આવ્યો હતો.

READ ALSO

Related posts

ભાણા સાથે લગ્ન કરવાની જીદ પર અડી 60 વર્ષની મામી, લગ્ન તોડાવીને ઉઠાવ્યું આ પગલું

Siddhi Sheth

પાકિસ્તાનના વડા પ્રધાન માટે “આગે કૂવા પીછે ખાઈ“ જેવો ધાટ

GSTV Web Desk

વજન ઘટાડવા માટે મધનો આ રીતે કરો ઉપયોગ, જાણો તેના ફાયદા વિશે

Akib Chhipa
GSTV