VIDEO: નેતન્યાહૂને જહન્નમ મોકલી દઈશું, ઈરાનની અમેરિકાને પણ ખુલ્લી ધમકી; નાકાબંધી પર ભડક્યું તેહરાન
છેલ્લું અપડેટ : 28 Aug 2026
Iran-US-Israel Tension: ઈરાન અને અમેરિકા-ઈઝરાયલ વચ્ચેનો તણાવ ફરી એકવાર ચરમસીમાએ પહોંચ્યો છે. ઈરાને અમેરિકા અને ઈઝરાયલને કડક ચેતવણી આપતા કહ્યું છે કે જો અમેરિકાની નાકાબંધી (Blockade) ચાલુ રહેશે તો તેના ગંભીર પરિણામો આવી શકે છે. ઈરાની અધિકારીએ સ્પષ્ટ શબ્દોમાં કહ્યું છે કે આવી સ્થિતિમાં યુદ્ધ (War) વધુ ભીષણ બની શકે છે અને ઈરાન સમગ્ર વિસ્તારમાં આવેલા અમેરિકન સૈન્ય મથકોને નિશાન બનાવી શકે છે.
ઈરાનની સુપ્રીમ નેશનલ સિક્યોરિટી કાઉન્સિલના સચિવ મેજર જનરલ મોહસેન રઝાઈએ ઈઝરાયલના વડાપ્રધાન બેન્જામિન નેતન્યાહૂને પણ આકરા શબ્દોમાં ચેતવણી આપી છે. ઈરાની સરકારી મીડિયા IRIBના અહેવાલ મુજબ અલ-મનારને આપેલા ઈન્ટરવ્યૂમાં રઝાઈએ કહ્યું કે તણાવ ફરી વધશે તો ઈરાન નેતન્યાહૂ સામે કડક કાર્યવાહી કરશે.
નેતન્યાહૂ પર ગંભીર આરોપ
મોહસેન રઝાઈએ આરોપ લગાવ્યો કે નેતન્યાહૂની નીતિઓને કારણે ઈઝરાયલની સ્થિતિ વધુ મુશ્કેલ બની રહી છે. તેમણે એવો દાવો પણ કર્યો કે ‘ઝાયોનિસ્ટ શાસન’ના અસ્તિત્વ સામે ખતરો વધી રહ્યો છે.
ઈરાન અને ઈઝરાયલ વચ્ચે અગાઉથી ચાલી રહેલા સંઘર્ષ (Conflict) વચ્ચે આવી નિવેદનબાજીએ મધ્યપૂર્વમાં તણાવ વધુ વધવાની ચિંતા ઊભી કરી છે.
ટ્રમ્પના પુત્રને નિશાન બનાવવાની સાજિશનો ઈનકાર
ઈરાને અમેરિકી રાષ્ટ્રપતિ ડોનાલ્ડ ટ્રમ્પના પુત્રની હત્યાની સાજિશ રચવાના આરોપોને પણ ફગાવી દીધા છે. રઝાઈએ ઈઝરાયલના વડાપ્રધાન પર ખોટી માહિતી (False Information) ફેલાવવાનો આરોપ લગાવ્યો.
તેમણે દાવો કર્યો કે આવી વાતોથી ટ્રમ્પને ડરાવવામાં આવ્યા અને તેમના નિર્ણય લેવાની ક્ષમતા (Decision-Making) પર અસર થઈ. અગાઉ ઈઝરાયલ તરફથી એવો દાવો કરવામાં આવ્યો હતો કે ઈરાન ટ્રમ્પના પુત્રને નિશાન બનાવવાની યોજના બનાવી રહ્યું છે.
લેબનોન મુદ્દે પણ ઈરાનની ચેતવણી
ઈરાની સુરક્ષા અધિકારીએ લેબનોનને લઈને પણ ઈઝરાયલને ચેતવણી આપી છે. તેમણે કહ્યું કે લેબનોનમાં ઈઝરાયલ તરફથી વધુ કોઈ કાર્યવાહી કરવામાં આવશે તો તેનો જવાબ આપવામાં આવશે.
રઝાઈએ દાવો કર્યો કે ઈઝરાયલને લેબનોનના કબજા હેઠળના વિસ્તારોમાંથી પાછું હટવા માટે મજબૂર થવું પડશે. જો ફરી સંઘર્ષ શરૂ થશે તો આવનાર યુદ્ધ અગાઉના યુદ્ધોથી અલગ હશે તેવી પણ તેમણે ચેતવણી આપી.
અમેરિકાની નાકાબંધીથી ઈરાન નારાજ
ઈરાન અમેરિકાના નવા આર્થિક દબાણ (Economic Pressure)થી પણ ભારે નારાજ છે. ઈરાની અધિકારીઓનું કહેવું છે કે જો નાકાબંધી ચાલુ રહેશે તો ઈરાન અમેરિકાના આર્થિક હિતો (Economic Interests)ને નિશાન બનાવી શકે છે.
રઝાઈએ દાવો કર્યો કે યુદ્ધવિરામ (Ceasefire) દરમિયાન ઈરાને 8 કરોડ બેરલ તેલની નિકાસ કરી હતી. તેમના અનુસાર નાકાબંધી ચાલુ રાખવી એ યુદ્ધ તરફ આગળ વધવા સમાન છે.
કતારની કૂટનીતિક પહેલ
આ દરમિયાન તણાવ ઘટાડવા માટે કતારે ડિપ્લોમેટિક પ્રયાસો (Diplomatic Efforts) તેજ કર્યા છે. કતારના વડાપ્રધાન મોહમ્મદ બિન અબ્દુલરહમાન બિન જાસિમ અલ થાની તેહરાન પહોંચ્યા હતા અને ઈરાનના રાષ્ટ્રપતિ મસૂદ પેઝેશ્કિયાન સાથે મુલાકાત કરી હતી.
મુલાકાત દરમિયાન પેઝેશ્કિયાને કહ્યું કે કેટલીક ઘટનાઓ અસ્વીકાર્ય હતી, પરંતુ ઈરાન અને કતાર મિત્ર દેશો છે. તેમણે સ્પષ્ટ કર્યું કે ઈરાન યુદ્ધને વધુ વિસ્તારવા માંગતું નથી અને વાતચીત (Dialogue) દ્વારા વિવાદ ઉકેલવાના પક્ષમાં છે.
કતારના વડાપ્રધાને પણ કહ્યું કે મધ્યપૂર્વમાં સ્થિરતા, સુરક્ષા અને આર્થિક શાંતિ (Economic Peace) પાછી લાવવા માટે કૂટનીતિ જ સૌથી યોગ્ય રસ્તો છે. હવે ઈરાન, અમેરિકા અને ઈઝરાયલ વચ્ચે વધેલા તણાવને ઘટાડવામાં કતારની આ પહેલ કેટલી સફળ થાય છે તેના પર સમગ્ર વિશ્વની નજર
