VIDEO: હાથમાં હથકડી, પગમાં સાંકળ, અમેરિકાથી ડિપોર્ટ કરાયેલા ભારતીયો સાથે આતંકીઓ જોવો વ્યવહાર
છેલ્લું અપડેટ : 19 Feb 2025
અમેરિકાના પ્રમુખ ડોનાલ્ડ ટ્રમ્પના આદેશ બાદ અમેરિકામાં સતત ગેરકાયદે ઈમિગ્રન્ટ્સ સાથે કાર્યવાહી કરવામાં આવી રહી છે અને તેમને પકડીને ડિપોર્ટ કરવામાં આવી રહ્યા છે. જોકે આ પ્રવાસીઓને જે રીતે મોકલવામાં આવી રહ્યા છે તેને લઈને અમેરિકાનો દુનિયાભરમાં વિરોધ થઈ રહ્યો છે.
ભારતના 332 ગેરકાયદે ઈમિગ્રન્ટ્સ ડિપોર્ટ
અત્યાર સુધી ભારતના 332 જેટલા ગેરકાયદે ઈમિગ્રન્ટ્સને પકડીને ત્રણ સૈન્ય વિમાનમાં ભારત ડિપોર્ટ કરી દેવામાં આવ્યા છે. આ દરમિયાન તેમને હાથમાં હાથકડી અને પગમાં સાંકળ બાંધીને ખુંખાર અપરાધીઓની જેમ જ લાવવામાં આવ્યા હતા. વ્હાઈટ હાઉસે ગેરકાયદે ઈમિગ્રન્ટ્સને કેવી રીતે ડિપોર્ટ કરવામાં આવી રહ્યા છે તેનો એક વીડિયો પણ શેર કર્યો છે.
વ્હાઈટ હાઉસે શેર કર્યો વીડિયો
વ્હાઈટ હાઉસે ASMR : ઈલિગલ એલિયન ડિપોર્ટેશન ફ્લાઈટ ના કેપ્શન સાથે એક વીડિયો શેર કર્યો હતો. જેમાં સાંકળમાં બાંધેલા ગેરકાયદે અપ્રવાસીઓને વિમાનમાં ચઢતા બતાવાયા હતા. એક સ્થાનિક મીડિયાના અહેવાલ પ્રમાણે આ વિમાન સિએટલથી રવાના થઇ હતી. વીડિયોમાં ઈમિગ્રન્ટ્સને અમેરિકાના અધિકારીઓ એક આતંકી કે અપરાધી તરીકે સાંકળમાં જકડતાં દેખાય છે. આ વીડિયો પર ઈલોન મસ્કે પણ પ્રતિક્રિયા આપતાં હાસ્ય સાથે લખ્યું... HAHA WOW.
