VIDEO: રશિયાની યુક્રેન પર ભયાનક એર સ્ટ્રાઈક, 3 બાળકો સહિત 11 લોકોના મોત
છેલ્લું અપડેટ : 07 Oct 2026
સોર્સ : gstv
યુક્રેનના હવાઈ હુમલાના જવાબમાં રશિયાએ બુધવારે વહેલી સવારે યુક્રેનની રાજધાની કીવ અને લગભગ એક ડઝન અન્ય સ્થળો પર ભયાનક એરસ્ટ્રાઈક કરી છે. આ હુમલામાં 3 બાળકો સહિત 11 નાગરિકોના મોત થયા છે અને 40 થી વધુ લોકો ઘાયલ થયા છે. યુક્રેનના રાષ્ટ્રપતિ વોલોડિમિર જેલેન્સકીએ આ હુમલાઓની પુષ્ટિ કરતા જણાવ્યું હતું કે રશિયાએ રાતોરાત મિસાઈલો અને ડ્રોન વડે રહેણાંક મકાનો, ઈન્ડસ્ટ્રિયલ કોમ્પ્લેક્સ અને મહત્વપૂર્ણ ઈન્ફ્રાસ્ટ્રક્ચરને નિશાન બનાવ્યા હતા. યુક્રેનિયન એરફોર્સના જણાવ્યા અનુસાર, રશિયાએ આ ઘાતક હુમલામાં 130 ડ્રોન, 48 ક્રૂઝ મિસાઈલ અને અનેક બેલેસ્ટિક મિસાઈલો છોડી હતી. જોકે, યુક્રેને દાવો કર્યો છે કે તેમની એરફોર્સે તેમાંથી 161 હવાઈ લક્ષ્યોને હવામાં જ નષ્ટ કરી દીધા છે.
