ન્યૂયોર્કમાં રચાશે ઈતિહાસ: ભારતીય મૂળના Zohran Mamdani કુરાન પર હાથ રાખી લેશે મેયરના શપથ

ન્યૂયોર્ક શહેરના રાજકારણમાં આજે એક નવો અધ્યાય લખાવા જઈ રહ્યો છે. ભારતીય મૂળના Zohran Mamdani આજે ન્યૂયોર્કના પ્રથમ મુસ્લિમ અને પ્રથમ દક્ષિણ એશિયાઈ મેયર તરીકે શપથ ગ્રહણ કરશે. 34 વર્ષીય મમદાની આ પદ સંભાળનારા સૌથી યુવા નેતાઓમાંના એક પણ છે.

આ પણ વાંચો :

તણાવભર્યા સંબંધોમાં નવો વળાંક! મેયરની ચૂંટણીમાં જોરદાર ટક્કર બાદ, હવે ટ્રમ્પ અને મમદાની મળશે વ્હાઈટ હાઉસમાં

વ્હાઈટ હાઉસમાં ડોનાલ્ડ ટ્રમ્પની સાથે આમને સામને બેઠક બાદ પણ મક્કમ રહ્યા ન્યૂયોર્કના મેયર મમદાની!

શપથ ગ્રહણની વિશેષતાઓ

કુરાન પર શપથ: મમદાની ન્યૂયોર્કના ઈતિહાસમાં પ્રથમ એવા મેયર બનશે જે ઈસ્લામના પવિત્ર ગ્રંથ કુરાન પર હાથ રાખીને શપથ લેશે. તેઓ આ વિધિ માટે બે કુરાનનો ઉપયોગ કરશે, જેમાં એક તેમના દાદાનું છે અને બીજું 18મી સદીનું ઐતિહાસિક કુરાન છે.

અનોખું સ્થળ: તેઓ મધ્યરાત્રિએ ન્યૂયોર્ક સિટી હોલ નીચે આવેલા વર્ષોથી બંધ એવા એક જૂના સબવે સ્ટેશનમાં શપથ લેશે. આ સ્થળ પસંદ કરીને તેમણે શહેરના શ્રમિક વર્ગ પ્રત્યે પોતાનું સમર્થન જાહેર કર્યું છે.

ઐતિહાસિક જીત: ગત નવેમ્બરમાં યોજાયેલી ચૂંટણીમાં તેમણે પૂર્વ ગવર્નર એન્ડ્રુ કુઓમોને હરાવીને ઐતિહાસિક વિજય મેળવ્યો હતો.

કોણ છે Zohran Mamdani?

Zohran Mamdani જાણીતા ભારતીય ફિલ્મ નિર્માતા મીરા નાયર અને પ્રોફેસર મહમૂદ મમદાનીના પુત્ર છે. તેમનો જન્મ યુગાન્ડામાં થયો હતો અને તેઓ સાત વર્ષની ઉંમરે ન્યૂયોર્ક આવ્યા હતા. રાજકારણમાં આવતા પહેલા તેઓ એક આવાસ સલાહકાર (Housing Counselor) અને રેપર તરીકે પણ જાણીતા હતા.