મોસ્ટ વોન્ટેડ ગેંગસ્ટર પ્રસાદ પુજારીને ચીનથી મુંબઈ લવાયો, 20 વર્ષથી હતો ફરાર

ગેંગસ્ટર પ્રસાદ પૂજારી ક્રાઈમ બ્રાન્ચના અધિકારીઓએ ગેંગસ્ટર પ્રસાદ પૂજારીનું ચીનથી મુંબઈ પ્રત્યાર્પણ કર્યું છે. ગેંગસ્ટર પ્રસાદ 20 વર્ષથી ફરાર હતો અને ઇન્ટરપોલે તેની સામે રેડ કોર્નર નોટિસ પણ બહાર પાડી હતી. પૂજારી વિરુદ્ધ મુંબઈમાં હત્યા અને લોકોને ધમકી આપવાના અનેક આરોપો નોંધવામાં આવ્યા છે. પ્રસાદ પૂજારી મુંબઈ પોલીસ અને ક્રાઈમ બ્રાન્ચથી બચીને ચીન ભાગી ગયો હતો.

ચીનથી મુંબઈ લાવવામાં આવ્યો હતો
એક અધિકારીએ જણાવ્યું કે મુંબઈ ક્રાઈમ બ્રાન્ચના અધિકારીઓ શુક્રવારે ગેંગસ્ટર પ્રસાદ પૂજારીને ચીનથી મુંબઈ લાવ્યા હતા. 2020 માં, મુંબઈ પોલીસ ક્રાઈમ બ્રાન્ચે ગેંગસ્ટર પ્રસાદ પૂજારીની માતા ઈન્દિરા વિટ્ટલ પૂજારીની ખંડણીના કેસમાં ધરપકડ કરી હતી.

હત્યા અને ધમકાવવાના અનેક આરોપો નોંધાયા છે
ગેંગસ્ટર પૂજારી પર મુંબઈમાં હત્યા અને લોકોને ધમકી આપવાના અનેક આરોપો નોંધાયેલા છે. પ્રસાદ પૂજારી મુંબઈ પોલીસ અને ક્રાઈમ બ્રાન્ચથી બચીને ચીન ભાગી ગયો હતો. આ પછી ઇન્ટરપોલે તેની સામે રેડ કોર્નર નોટિસ જાહેર કરી હતી.

માતા પર ખંડણી માંગવાનો પણ આરોપ હતો

પોલીસના જણાવ્યા અનુસાર, 62 વર્ષીય ઈન્દિરા અને અન્ય બે લોકો પર મુંબઈના એક બિલ્ડર પાસેથી 10 લાખ રૂપિયાની ખંડણી માંગવાનો આરોપ છે. ધરપકડ કરાયેલા બે આરોપીઓની ઓળખ સુનિલ આંગણે (56) અને સુકેશ કુમાર (28) તરીકે થઈ છે.

GSTV NEWSના Whatsapp ગ્રુપમાં જોડાવા માટે આ લિંક પર ક્લિક કરો
https://chat.whatsapp.com/GNwqsgpZCxC70ZrVXqnw4J

GSTVની એપ ડાઉનલોડ કરવા આ લિંક પર ક્લિક કરો:
https://play.google.com/store/apps/details?id=com.tops.gstvapps&hl=en&gl=US&pli