Japan Earthquake: જાપાનમાં ભૂકંપને કારણે ફરી ધરતી ધ્રૂજી, રિક્ટર સ્કેલ પર 6.5 માપવામાં આવી તીવ્રતા

જાપાનના બોનિન ટાપુમાં 6.5ની તીવ્રતાના ભૂકંપના ઝટકા અનુભવાયા છે. જાપાનના બોનિન ટાપુમાં સંયુક્ત રાજ્ય જિયોલોજિકલ સર્વેક્ષણ (USGS)એ આ જાણકારી આપી હતી.

ભૂકંપ 503.2 કિમી (312.7 માઇલ), યુએસજીએસની ઊંડાઇ પર હતું. આ પહેલા પણ જાપાનમાં તીવ્ર ભૂકંપના ઝટકા આવતા રહે છે. નવા વર્ષના પ્રથમ દિવસે જ જાપાનમાં ભૂકંપ આવ્યો હતો. તે સમયે રિક્ટર સ્કેલ પર 7.6ની તીવ્રતા માપવામાં આવી હતી.

સુનામીની ચેતવણી નથી

આ ભૂકંપ બાદ સુનામીની કોઇ ચેતવણી જાહેર કરવામાં આવી નથી. દરિયાની સપાટીથી ભૂકંપના કેન્દ્રની ઊંડાઇ વધુ હોવાને કારણે સુનામીનો ખતરો ઓછો હોય છે.