ઈટાલીના PM મેલોની બન્યા ડીપફેકનો શિકાર, 90 લાખ રૂપિયાના વળતરની કરી માંગ

ભારતમાં હેડલાઈન્સ બનાવનાર ઈટાલીના વડાપ્રધાન જ્યોર્જિયા મેલોની ડીપફેકનો શિકાર બની છે. તેમણે ડીપફેક વાંધાજનક વિડિયો બનાવવા અને તેને ઓનલાઈન પોસ્ટ કરવાના આરોપી પર પોતાનો ગુસ્સો વ્યક્ત કર્યો છે. આ ઉપરાંત આરોપીઓ પાસેથી એક લાખ યુરોના વળતરની માંગણી કરવામાં આવી છે. ભારતીય રૂપિયામાં આ રકમ લગભગ 90 લાખ રૂપિયા છે. મીડિયા રિપોર્ટ્સ અનુસાર, એવો દાવો કરવામાં આવી રહ્યો છે કે બે આરોપીઓએ મેલોનીનો ચહેરો એડલ્ટ ફિલ્મ સ્ટારના ચહેરા પર લગાવ્યો હતો અને તેને અમેરિકન પોર્ન સાઇટ પર અપલોડ કર્યો હતો.

પિતા-પુત્ર આરોપી છે

મેલોનીનો ડીપફેક વીડિયો બનાવનારા આરોપીઓમાં પિતા અને પુત્રનો સમાવેશ થાય છે. પુત્રની ઉંમર 40 વર્ષ અને પિતાની ઉંમર 73 વર્ષ છે. બંનેએ સાથે મળીને મેલોનીનો વાંધાજનક વીડિયો બનાવ્યો હતો. મેલોનીએ બંને આરોપીઓ સામે માનહાનિનો કેસ દાખલ કર્યો છે. પોલીસે બંને આરોપીઓની ધરપકડ કરી છે.

આ રીતે આરોપીઓ ઝડપાયા
પોલીસે જણાવ્યું હતું કે, તેઓએ મોબાઇલ ઉપકરણને ટ્રેક કર્યું અને આરોપીઓની શોધ કરી અને પછી તેઓ તેમને પકડવામાં સફળ રહ્યા.ડીપફેક વીડિયો 2022માં દેશના પીએમ બનતા પહેલાનો છે. આ વીડિયો અત્યાર સુધીમાં લાખો વખત જોવામાં આવ્યો છે. આ સંદર્ભે પીએમ મેલોની 2 જુલાઈએ કોર્ટમાં જુબાની આપશે.

મેલોની વળતરની રકમ દાન કરશે
બીજી તરફ, પીએમ જ્યોર્જિયા મેલોનીની કાનૂની ટીમનું કહેવું છે કે તે હિંસાનો ભોગ બનેલી મહિલાઓની મદદ માટે વળતર તરીકે મળેલી 90 લાખ રૂપિયાની વળતરની રકમ દાન કરશે. વળતરની રકમ પ્રતીકાત્મક ક્રિયાનો એક ભાગ છે. મેલોનીના વકીલ, મારિયા જિયુલિયા મેરોન્ગીયુએ જણાવ્યું હતું કે વળતરની માંગ આવી હિંસાનો ભોગ બનેલા અન્ય લોકો માટે એક સંદેશ છે.

GSTV NEWSના Whatsapp ગ્રુપમાં જોડાવા માટે આ લિંક પર ક્લિક કરો:
https://chat.whatsapp.com/GNwqsgpZCxC70ZrVXqnw4J

GSTVની એપ ડાઉનલોડ કરવા આ લિંક પર ક્લિક કરો:
https://play.google.com/store/apps/details?id=com.tops.gstvapps&hl=en&gl=US&pli=1