Americaની નાગરિકતા મેળવવી થઈ મુશ્કેલ, અરજી કરનારની ભૂતકાળની કરશે ગહન તપાસ
છેલ્લું અપડેટ : 18 Aug 2025
ડોનાલ્ડ ટ્રમ્પ અમેરિકાના રાષ્ટ્રપતિ બન્યા પછી, ઇમિગ્રેશન નિયમો વધુને વધુ કડક બની રહ્યા છે. હવે US નાગરિકતા મેળવવી હવે સરળ નથી. યુએસ નાગરિકતા અને ઇમિગ્રેશન સર્વિસીસ (USCIS) એ જાહેરાત કરી છે કે હવે નાગરિકતા માટે અરજી કરનારા લોકોના નૈતિક ચરિત્રનું પણ સંપૂર્ણ મૂલ્યાંકન કરવામાં આવશે. જો કોઈ વ્યક્તિ ગેરલાયક સાબિત થશે તો અન્ય લાયકાત હોવા છતાં, તેને નાગરિકતા મળશે નહીં.
USCIS સૂચનામાં કહેવામાં આવ્યું છે કે નેચરલાઈઝેશન માટે સારું ચરિત્ર હોવું પણ ખૂબ જ મહત્ત્વપૂર્ણ છે. જો કોઈને અમેરિકાની નાગરિકતા જોઈતી હોય, તો તેના નૈતિક ચારિત્ર્યની સંપૂર્ણ તપાસ કરવામાં આવશે. નોટિફિકેશનમાં કહેવામાં આવ્યું છે કે જો કોઈ નાગરિકતા માટે અરજી કરે છે, તો તેના ગુડ મોરલ કેરેક્ટર (GMC) ની સંપૂર્ણ તપાસ કરવામાં આવશે. તેના પાંચ વર્ષના સમગ્ર રેકોર્ડની તપાસ કરવામાં આવશે. નેચરલાઈઝેશન ત્યારે જ શક્ય બનશે જ્યારે તે આ માપદંડને પૂર્ણ કરે. નેચરલાઈઝેશનનો અર્થ બીજા દેશમાં જન્મ્યા પછી બીજા દેશની નાગરિકતા મેળવવી થાય છે.
વ્યક્તિ સમાજમાં કેવી રીતે રહે છે?
પહેલા, સારા નૈતિક ચારિત્ર્યની તપાસ ફક્ત તે લોકો માટે કરવામાં આવતી હતી જેમનો રેકોર્ડ અમેરિકામાં હાજર ન હતો. હત્યા, ગુંડાગીરી, ડ્રગ વ્યસન, ડ્રગ હેરફેર જેવા ગુનાઓનો સમાવેશ કરવામાં આવ્યો હતો. જોકે, હવે આ માપદંડનો વધુ વિસ્તાર કરવામાં આવ્યો છે. હવે એજન્સીએ કહ્યું કે આ ઉપરછલ્લી રીતે કરી શકાતું નથી. આ માટે, સંપૂર્ણ તપાસ કરવાની અને વ્યક્તિના વર્તન વિશે સંપૂર્ણ માહિતી એકત્રિત કરવાની જરૂર છે. હવે અરજદારનું સમાજમાં યોગદાન, સામાન્ય લોકો સાથેનું વર્તન, કૌટુંબિક જવાબદારીઓ અને કૌટુંબિક સંબંધોની પણ સમીક્ષા કરવામાં આવશે.
રિપોર્ટ અનુસાર, USCIS એ પણ શોધી કાઢશે કે વ્યક્તિ સમાજમાં કેવી રીતે રહે છે, પરિવારના સભ્યો સાથે તેના સંબંધો કેવા છે અને તેની શૈક્ષણિક સિદ્ધિઓ શું છે. આ ઉપરાંત, અમેરિકામાં રહેતા સમયે તે કેવા પ્રકારની નોકરી કરતો હતો. તેની નોકરીની ગેરંટી શું છે અને તે સમયસર ટેક્સ ચૂકવી રહ્યો છે કે નહીં. જો કોઈ વ્યક્તિ ટેક્સ ભરવામાં બેદરકારી દાખવે છે, તો તેની નાગરિકતા સસ્પેન્ડ કરવામાં આવશે.
