વર્કલોડથી થાકી ગયો હતો, નર્સે કામ ઘટાડવા 10 દર્દીઓ સાથે જે કર્યું એ તમે વિચાર્યું પણ નહીં હોય

ડોકટરો અને નર્સોને ભગવાનનું બીજું સ્વરૂપ માનવામાં આવે છે, પરંતુ જો તેઓ તેમના કામમાં બેદરકાર રહે, તો તેઓ દેવતાઓથી રાક્ષસ બની શકે છે. જર્મનીમાંથી એક આવો જ કિસ્સો સામે આવ્યો છે, જ્યાં એક પેલિએટિવ કેર નર્સને 10 દર્દીઓની હત્યા અને 27 અન્ય લોકોની હત્યા કરવાનો પ્રયાસ કરવાના ગુનામાં દોષિત ઠેરવ્યા બાદ આજીવન કેદની સજા ફટકારવામાં આવી છે. નર્સ પર રાત્રિ શિફ્ટ દરમિયાન કામનો ભાર ઓછો કરવા માટે મોટાભાગના વૃદ્ધ દર્દીઓને પેઇનકિલર્સ અથવા શામક દવાઓ આપવાનો આરોપ છે.

આ પણ વાંચો :

યોનિમાર્ગ વિનાની 15 વર્ષની કિશોરી ગર્ભવતી કેવી રીતે થઈ? ડોકટરો પણ ચોંકી ગયા

ડોકટરોની ઘોર બેદરકારી: અંતિમ સંસ્કારની તૈયારીઓ દરમિયાન જીવિત થઈ મૃત વ્યક્તિ

નર્સની અંદર દર્દીઓ પ્રત્યેની સહાનુભુતિનો અભાવ હતો

નર્સે ડિસેમ્બર 2023 અને મે 2024ની વચ્ચે આ ગુનો કર્યો હતો. આ કેસ પશ્ચિમ જર્મનીના વુરસેલેનની એક હોસ્પિટલમાં બન્યો હતો, જ્યાં તેની કારકિર્દી દરમિયાન ઘણી અન્ય શંકાસ્પદ ઘટનાઓની તપાસ ચાલી રહી છે. સમાચાર એજન્સી AFP અનુસાર, આ માણસને 2020માં વુરસેલેનની હોસ્પિટલમાં પોસ્ટ કરવામાં આવ્યો હતો. તેણે 2007માં નર્સિંગ પ્રોફેશનલ તરીકેની તાલીમ પૂર્ણ કરી. ફરિયાદીઓએ આચેનની કોર્ટને જણાવ્યું હતું કે તે ચીડિયાતો હતો અને વધુ સંભાળની જરૂર હોય તેવા દર્દીઓ પ્રત્યે સહાનુભૂતિનો અભાવ હતો.

કામનો ભાર ઘટાડવા માટે લેવાયેલા ભયાનક પગલાં

કોર્ટને કહેવામાં આવ્યું હતું કે તેણે રાત્રિ શિફ્ટ દરમિયાન દર્દીઓને મોર્ફિન અને મિડાઝોલમ (એક પ્રકારનું શામક)ના વધુ પડતા ડોઝ આપ્યા હતા જેથી તેમનો કામનો બોજ ઓછો થાય. આ ક્રૂર માણસની 2024માં ધરપકડ કરવામાં આવી હતી. કોર્ટમાં હાજર થયા પછી, તેને ખાસ કરીને ગંભીર ગુનાઓમાં દોષિત ઠેરવવામાં આવ્યો હતો અને તેને આજીવન કેદની સજા ફટકારવામાં આવી હતી. હવે તેને 15 વર્ષ પછી જેલમાંથી મુક્ત કરવામાં આવશે. જો કે, તે કોર્ટના આ નિર્ણય સામે અપીલ કરી શકશે.