VIDEO: અલ નીનો ભારતમાં લાવશે સામે મોટું સંકટ! 17 વર્ષ બાદ પહેલીવાર દેખાશે કુદરતનો કહેર
છેલ્લું અપડેટ : 18 Sept 2026
ભારતમાં એકવાર અલ નીનો સક્રિય થઈ ગયો છે, જેના કારણે દેશમાં ચોમાસાની ચાલ અત્યંત નબળી પડી ગઈ છે. ભારત હવામાન વિભાગ અનુસાર, જૂનથી સપ્ટેમ્બર સુધી ચાલતી આ ચોમાસાની સિઝનમાં અત્યાર સુધી દેશભરમાં સામાન્ય કરતા 15 ટકા ઓછો વરસાદ નોંધાયો છે. જો વરસાદની આ સ્થિતિ આગળ પણ યથાવત રહેશે, તો આ વર્ષ 2009 પછી સૌથી નબળું ચોમાસુ સાબિત થઈ શકે છે. ઉલ્લેખનીય છે કે, વર્ષ 2009માં સામાન્ય કરતા 18 ટકા ઓછો વરસાદ થયો હતો, જેના કારણે ફરી એકવાર 17 વર્ષ જૂનું જોખમ તોળાતું નજરે પડી રહ્યું છે. ભારત દુનિયામાં ચોખા, ખાંડ અને કપાસનો સૌથી મોટો ઉત્પાદક દેશ છે, જ્યાંના કરોડો ખેડૂતો પોતાની પાકની સિંચાઈ માટે સંપૂર્ણપણે મોસમી વરસાદ પર નિર્ભર છે. આખા વર્ષ દરમિયાન થતા કુલ વરસાદનો મોટો હિસ્સો આ જ સિઝનમાં વરસે છે. આ સ્થિતિમાં ચોમાસાની આ ઘટ માત્ર વર્તમાન પાકને જ નુકસાન પહોંચાડી રહી નથી, પરંતુ આગામી પાકની વાવણીને પણ ગંભીર રીતે પ્રભાવિત કરી શકે છે, જેનાથી કૃષિ ક્ષેત્રને મોટો ફટકો પડી શકે છે.
