VIDEO: ચીનનું ચંદ્ર મિશન ચાંગ-ઈ-7 24 ઓગસ્ટના રોજ લોન્ચ થશે
છેલ્લું અપડેટ : 20 Aug 2026
ચીન ૨૪ ઓગસ્ટે પોતાના નવા ચંદ્ર મિશન ચાંગ-ઇ-૭ લોન્ચ કરવાની તૈયારીમાં છે. આ મિશનમાં ચીન ચંદ્રના દક્ષિણ ધુ્રવ પર જશે. મિશનને લોંગ માર્ચ-ફાઇવ રોકેટથી હેનાનના વેનચાંગ સ્પેસ લોન્ચ સાઇટથી મોકલવાની યોજના છે. ચાંગ-ઇ-૭ ચીનના ચંદ્ર અભિયાનના ચોથા તબક્કાનો હિસ્સો છે. ચાંગ-ઇ-૭માં ઘણા યાન સામેલ છે. તેમા એક ઓર્બિટર, લેન્ડર, રોવર અને એક નાનો મેપિંગ પ્રોબ હશે. આ બધા ભેગા મળીને ચંદ્રના દક્ષિણ ધુ્રવની જુદી-જુદી જગ્યાઓની તપાસ કરશે. અહીં ખાસ વાત એ છે કે હોપિંગ પ્રોબ તે ખાડાઓમાં જવાનો પ્રયત્ન કરશે જ્યાં સૂરજનો પ્રકાશ પહોંચતો નથી. ચંદ્રના દક્ષિણ ધુ્રવ પર ઘણા ઊંડા ખાડા છે. તેમા કેટલાક સ્થળો પર સૂરજનો પ્રકાશ ક્યારેય પહોંચતો નથી. તેથી અહીં તાપમાન ઘણું ઓછું હોય છે. આવા ઠંડા સ્થળો પર પાણી બરફના સ્વ:પમાં ઘણા સમય સુધી જમા રહી શકે છે. ચીન તેથી જ આ વિસ્તારમાં પાણીને શોધવા માંગે છે. આ મિશનમાં ચંદ્રની માટી, સપાટી અને ત્યાંના વાતાવરણ અંગે પણ જાણકારી મેળવશે. વૈજ્ઞાનિક તે સમજવાનો પ્રયત્ન કરશે કે ચંદ્રના આ હિસ્સામાં પાણી અને બીજા પદાર્થ ક્યાં કેટલા પ્રમાણમાં ઉપલબ્ધ છે.
