VIDEO: ANDARNI VAAT: ગેરકાયદેસર ધાર્મિક સ્થળો તોડવાની માંગ સાથે યુવા સંગઠનોનું ઉગ્ર પ્રદર્શન

અરુણાચલ પ્રદેશની રાજધાની ઇટાનગરમાં ગેરકાયદેસર ધાર્મિક બાંધકામોના મુદ્દે ભારેલા અગ્નિ જેવી સ્થિતિ સર્જાઈ છે.. સ્થાનિક સંગઠન ઓલ પાસીઘાટ ઇટાનગર યુથ ઓર્ગેનાઇઝેશન દ્વારા શહેરમાં નજરે પડતી ગેરકાયદેસર મસ્જિદોને તાત્કાલિક તોડી પાડવાની ઉગ્ર માંગ સાથે સંપૂર્ણ બંધનું એલાન આપવામાં આવ્યું છે.. આ આકરા પ્રદર્શનના પગલે સમગ્ર ઇટાનગરમાં ચુસ્ત સુરક્ષા બંદોબસ્ત તૈનાત કરી દેવાયો છે. અને બજારો તેમજ વાહનવ્યવહાર સંપૂર્ણપણે ઠપ્પ થઈ ગયા છે.. સ્થાનિક યુવાનો અને સંગઠનોના આ આક્રોશને કારણે વહીવટીતંત્ર પણ ભારે દબાણમાં આવી ગયું છે અને કાયદો-વ્યવસ્થા જાળવવા માટે સંઘર્ષ કરી રહ્યું છે.

આ સંપૂર્ણ બંધના એલાન પાછળની અંદરની વાત એ છે કે, આ માત્ર કોઈ સામાન્ય દબાણ હટાવવાનો મુદ્દો નથી, પરંતુ રાજ્યમાં વસ્તી વિષયક ફેરફારોને લઈને સ્થાનિક આદિવાસી સમુદાયોમાં લાંબા સમયથી ચાલી રહેલી આંતરિક અસંતોષની લાગણીનું પરિણામ છે.. બહારથી આવીને વસેલા લોકો દ્વારા સરકારી અને વન વિભાગની જમીનો પર આંતરિક સાંઠગાંઠથી ધાર્મિક સ્થળો ઊભા કરી દેવાયા હોવાનો સ્થાનિકોને ભારે આક્રોશ છે.. સ્થાનિક સંસ્કૃતિ અને જમીન બચાવવાના નામે યુવા સંગઠનો આંતરિક રીતે એક થઈ રહ્યા છે, જે ભવિષ્યમાં મોટા સામાજિક તણાવનું કારણ બની શકે છે.