VIDEO : કપલે ફોટોશૂટ કરાવવું ભારે પડ્યું, દુલ્હન ગંભીર રીતે દાઝી
છેલ્લું અપડેટ : 21 Mar 2025
કોઈપણ કપલ માટે ફોટોશૂટ કરાવવું એ તેના જીવનની યાદોને સુંદર બનાવવાની એક રીત છે. પરંતુ ક્યારેક કંઈક એવું બને છે કે આ ફોટોશૂટ જીવનભર ખોટી રીતે યાદ રહી જાય છે. કેનેડાથી ભારત આવેલા એક ભારતીય દંપતી સાથે પણ આવું જ કંઈક બન્યું. આ દંપતીએ પોતાના માટે ફોટોશૂટ કરાવવાનું નક્કી કર્યું હતું પરંતુ ફોટોશૂટ દરમિયાન કલર બોમ્બ ફૂટ્યો અને દુલ્હન ઘાયલ થઈ ગઈ.
સોશિયલ મીડિયા સાઇટ ઇન્સ્ટાગ્રામ પર પોતાની અકસ્માતની ઘટના શેર કરતી વખતે, વિકી અને પિયાએ લગ્નમાં વપરાતા ફટાકડા વિશે પણ ચેતવણી આપી હતી. આ સાથે તેણે તે સમયનો એક વિડિયો પણ જાહેર કર્યો જ્યારે ફટાકડા ફૂટતા તેના વાળ અને શરીર બળી ગયા હતા. વિડિયોના કેપ્શનમાં લખ્યું છે, "અમારૂ પ્લાનિંગ એવું હતું કે વરરાજા દુલ્હનને પોતાના ખોળામાં ઉપાડે અને તે જ સમયે પાછળથી એક સુંદર રંગીન બોમ્બ બેકગ્રાઉનને વધુ સુંદર બનાવે." પરંતુ અમે આ કરવાનો પ્રયાસ કરતાની સાથે જ રંગીન બોમ્બ સીધો ફૂટ્યો નહીં પણ અમારા ઉપર ફૂટ્યો. આ બધામાં સારી વાત એ હતી કે અમે બાળકને અમારી સાથે રાખ્યું નહીં.
પોસ્ટ સાથે અપલોડ કરાયેલા વિડિયોમાં સ્પષ્ટપણે જોઈ શકાય છે કે બોમ્બ વિસ્ફોટ પછી અરાજકતા ફેલાઈ ગઈ હતી. આ પછી તરત જ દુલ્હન હોસ્પિટલના પલંગ પર પડેલી જોઈ શકાય છે, જ્યાં તેના શરીર પર બળી ગયેલા નિશાન સ્પષ્ટપણે દેખાય છે. આ સમગ્ર ઘટનામાં દુલ્હનના વાળ પણ બળી જાય છે. આ વિડિયોમાં પણ સ્પષ્ટ દેખાય છે.
