VIDEO / પાયલોટ પોતાની દીકરીને ખોળામાં લઈને ફ્લાઈટમાં એનાઉન્સમેન્ટ કરતો જોવા મળ્યો, બાળકીની પ્રતિક્રિયા થઈ વાયરલ

પિતા અને પુત્રી વચ્ચેનો સંબંધ ખૂબ જ મધુર હોય છે, એક પિતા માટે પુત્રી તેના પોતાના જીવન કરતાં વધુ મહત્ત્વની હોય છે. તમે સોશિયલ મીડિયા પર ઘણા એવા વીડિયો જોયા હશે જેમાં પિતા-પુત્રી પોતાના પ્રેમ વિશે વાત કરી રહ્યા હોય, જેને જોઈને તમે ઈમોશનલ થઈ ગયા હશો. દીકરી પર પિતાનો પડછાયો હોવો એ દુનિયાની સૌથી મોટી તાકાત છે, આવો જ એક વીડિયો સોશિયલ મીડિયા પર વાયરલ થઈ રહ્યો છે જેમાં પિતા અને દીકરીના સંબંધોની સુંદરતા દર્શાવવામાં આવી છે.

વાસ્તવમાં, વાયરલ થઈ રહેલા વીડિયોમાં જોઈ શકાય છે કે કેવી રીતે એક પિતા, જે વ્યવસાયે પાયલોટ છે, તેમની નાની પરી જેવી દીકરીને ખોળામાં લઈને ફ્લાઈટમાં એનાઉન્સમેન્ટ કરતા જોવા મળે છે. આ વીડિયો સાઉથવેસ્ટ એરલાઈન્સના પાયલોટનો છે જે તેની નાની દીકરીને ખોળામાં લઈને એનાઉન્સમેન્ટમાં કહે છે, “હું તમારો પ્રથમ ઓફિસર બેન છું, હું તમને ડેનવર લઈ જશે. મારી સાથે લિટલ મિસ એલી રોઝ જોડાશે, જે મારી પુત્રી છે, તેથી આ ફ્લાઈટ મારા માટે ખૂબ જ ખાસ છે. એક પાયલોટ તરીકે, હું મારી પુત્રી સાથે પ્રથમ વખત ઉડાન ભરી રહ્યો છું.”

પાયલોટ બેને આગળ કહ્યું કે, “તે સૌથી ખુશ છોકરીઓમાંથી એક છે, જે હંમેશા ખુશખુશાલ રહે છે અને 10 ટકા હેરાન પણ કરે છે. હું આશા રાખું છું કે આજે તમને તે 90 ટકા એલી રોઝ મળશે. જો ન મળે તો તમે આ માટે તેની માતાને દોષી ઠેરવી શકો છો.”

આ વીડિયો સાઉથવેસ્ટ એરલાઈન્સ નામના ઈન્સ્ટાગ્રામ એકાઉન્ટ પરથી શેર કરવામાં આવ્યો છે. જેને અત્યાર સુધીમાં લગભગ 20 મિલિયનથી વધુ વ્યુઝ મળી ચૂક્યા છે. યુઝર્સ વીડીયો પર પોતાનો પ્રેમ વરસાવતા જોવા મળે છે. એક યુઝરે લખ્યું, “હું તે ફ્લાઈટમાં વધુ સુરક્ષિત અનુભવીશ.” અન્ય યુઝરે લખ્યું, “બાળકીએ પાયલોટ કોસ્ચ્યુમ પહેર્યો છે.” પછી બીજા યુઝરે લખ્યું, “તે સુંદર હતું તેથી જ મને સાઉથવેસ્ટ એરલાઈન્સ ગમે છે.”