VIDEO : બાઈક પર સ્ટંટ કરીને મોતને આપ્યું આમંત્રણ, થઈ એવી હાલત કે...
છેલ્લું અપડેટ : 08 Apr 2025
સોશિયલ મીડિયાના આ યુગમાં રીલ અને વિડિયો વાયરલ કરવાની હરીફાઈએ ઘણા યુવાનોને જોખમી માર્ગો પર ધકેલી દીધા છે. હાલમાં જ એક આવો વિડિયો સામે આવ્યો છે જેમાં એક બાઇકર રોડ પર મોત સાથે રમતા જોવા મળી રહ્યો છે. આ વિડિયોમાં યુવક તેની બાઇકના આગળના વ્હીલને ઉંચકીને એટલે કે વ્હીલી કરીને તેજ ગતિએ સ્ટંટ કરતો જોવા મળે છે. આ ખતરનાક સ્ટંટ થોડી જ વારમાં સોશિયલ મીડિયા પર વાયરલ થઈ ગયો, પરંતુ તેની સાથે રોડ સેફ્ટીને લઈને પણ ગંભીર સવાલો ઉભા થવા લાગ્યા છે.
બાઇક સવાર પોતાનો જીવ જોખમમાં મુકીને સ્ટંટ કર્યો
વાયરલ વિડિયોમાં જોઈ શકાય છે કે એક બાઇક સવારે માત્ર પોતાનો જીવ જોખમમાં મુક્યો જ નહીં પરંતુ અન્ય લોકોની સુરક્ષાને પણ જોખમમાં મૂક્યું. વિડિયોમાં સ્પષ્ટ જોઈ શકાય છે કે યુવક બાઇકના આગળના વ્હીલને હવામાં ઊંચકીને સ્ટંટ કરી રહ્યો છે. અચાનક તેની બાઇક કોઈ વસ્તુ સાથે અથડાઈ, જેના કારણે તેણે પોતાનું સંતુલન ગુમાવ્યું અને પછી તે જમીન પર પડી ગયો. સ્ટંટ કરતા બાઇક સવાર મોટા અકસ્માતને આમંત્રણ આપી રહ્યો હતો અને તે પોતે પણ અકસ્માતનો ભોગ બન્યો હતો.
