VIDEO : નિડર વ્યક્તિએ નાકમાં 22 વાર ખીલી ખોડી, દૃશ્યો જોઈ તમે પણ ડરી જશો
છેલ્લું અપડેટ : 15 Jan 2025
તેમના વિચિત્ર પરાક્રમો માટે ઘણા લોકોના નામ ગિનીસ વર્લ્ડ બુકમાં નોંધાયેલા છે. એવું કંઈક કે જે ક્યારેય કોઈએ કર્યું નથી. હાલમાં આવા જ એક વ્યક્તિનું નામ ગિનિસ વર્લ્ડ બુકમાં નોંધાયેલું છે. જેણે 1 મિનિટની અંદર પોતાના નાકમાં 22 ખીલી નાખી. ગિનિસ વર્લ્ડ બુકે તેના ઈન્સ્ટાગ્રામ પર એક વિડિયો દ્વારા વ્યક્તિના આ ખતરનાક પરાક્રમને શેર કર્યું છે. જેમાં તે વ્યક્તિ હથોડી વડે તેના નાકમાં ખીલી મારતો જોવા મળે છે. વિડિયો શેર કરતી વખતે ગિનીસ વર્લ્ડ બુકે કેપ્શનમાં લખ્યું - "એક મિનિટમાં હથોડી વડે નાકમાં મહત્તમ ખીલી નાખવામાં આવી, જેનાથી તેને નવું ટાઇટલ મળ્યું હતું."
આ પણ વાંચો: VIDEO : -13 ડિગ્રી તાપમાનમાં નીચે ઉતરીને કર્મચારીઓએ ગટર સાફ કરી
માણસે તેના નાકમાં ખીલી નાખ્યા
વિડિયોમાં જોઈ શકાય છે કે વ્યક્તિ એક પછી એક તેના નાકમાં ખીલી મારી રહ્યો છે. આમ કરવાથી વ્યક્તિ 1 મિનિટની અંદર કોઈપણ સમસ્યા વિના તેના નાકમાં 22 ખીલી નાખે છે. રેકોર્ડ બન્યા બાદ વ્યક્તિને ગિનિસ વર્લ્ડ બુક તરફથી પ્રમાણપત્ર આપવામાં આવ્યું હતું. જેની સાથે તે આનંદથી કૂદતો જોવા મળ્યો હતો. વિડિયોમાં દેખાતી વ્યક્તિ અન્ય કોઈ નહીં પરંતુ ભારતના ડ્રિલ મેન તરીકે જાણીતા ક્રાંતિ કુમાર પાનિકેરા છે. જેણે થોડા દિવસ પહેલા જ પોતાના નામે એક વિચિત્ર રેકોર્ડ નોંધાવ્યો હતો. જેમાં તેણે એક મિનિટમાં પોતાની જીભ વડે ઈલેક્ટ્રીક પંખાના સૌથી વધુ બ્લેડ બંધ કરવાનો વર્લ્ડ રેકોર્ડ બનાવ્યો હતો.
