VIDEO : લંડનમાં દિવાળીની ઉજવણી, ભારતીયો સાથે વિદેશીઓ પણ ઝૂમી ઉઠ્યા 

31 ઓક્ટોબર 2024ના રોજ દેશભરમાં દિવાળીની ઉજવણી કરવામાં આવશે. પરંતુ દિવાળીનો ઉત્સાહ આખી દુનિયામાં છવાયેલો છે. ભારત સહિત સમગ્ર વિશ્વમાં દિવાળીની ઉજવણી કરવામાં આવી રહી છે. દરમિયાન લંડનના ટ્રફાલ્ગર સ્ક્વેર ખાતે પણ દિવાળીની ઉજવણી કરવામાં આવી હતી. જેનો વીડિયો સોશિયલ મીડિયા પર વાયરલ થઈ રહ્યો છે. આ વીડિયો લંડનમાં રહેતા ભારતીય કપલ અક્ષય અને દીપાલીએ શેર કર્યો છે. વીડિયો અપલોડ થયાના કલાકોમાં જ તે વાયરલ થઈ ગયો અને અત્યાર સુધીમાં હજારો લોકો તેને જોઈ ચૂક્યા છે.

લંડનમાં દિવાળીની ઉજવણી

વાયરલ થઈ રહેલો આ વીડિયો દિવાળીની ઉજવણીનો આનંદ અને ઉત્સાહ બતાવે છે, જેમાં લોકો આખી દુનિયામાં આપણો તહેવાર દિવાળી કેવી રીતે ઉજવવામાં આવે છે તેની પ્રશંસા કરી રહ્યા છે. વીડિયોની શરૂઆતમાં લંડનના મેયર સાદિક ખાન ત્યાં એકઠા થયેલા લોકોને સંબોધતા જોઈ શકાય છે. જેમાં તેઓ કહે છે કે, "લંડનના મેયર તરીકે મને ટ્રફાલ્ગર સ્ક્વેરમાં ઘણી બધી ઈવેન્ટ્સ સેલિબ્રેટ કરવાની તક મળે છે અને હું તમારી સાથે એક સિક્રેટ શેર કરવા માંગુ છું. મને નથી લાગતું કે ટ્રફાલ્ગર સ્ક્વેર ક્યારેય આટલું સુંદર દેખાતું હોય અને આ લંડનનું આ છે. દિવાળીની તાકાત છે મારા પરિવાર તરફથી તમને દિવાળીની શુભકામનાઓ.

મેયરે સૌને દિવાળીની શુભકામનાઓ પાઠવી હોવાથી ટોળાએ હર્ષોલ્લાસ કર્યો હતો. અક્ષય અને દીપાલીએ આ પ્રોગ્રામની કેટલીક વધુ ઝલક પણ શેર કરી છે, જેમાં રઘુપતિ રાઘવ રાજા રામ ભજન સાંભળવા મળી રહ્યું છે. અન્ય એક વીડિયોમાં લોકો નાચતા, ડાન્સ કરતા અને ઉજવણી કરતા જોવા મળે છે. ટ્રફાલ્ગર સ્ક્વેર એ લંડનનો સૌથી આઇકોનિક સ્ક્વેર છે.