VIDEO / હાર્દિક-રોહિત ગળે તો મળ્યા, પણ શું મુંબઈ ઈન્ડિયન્સ કેમ્પમાં બધું બરાબર છે?

મુંબઈ ઈન્ડિયન્સ તેની સિઝનની શરૂઆત ગુજરાત ટાઇટન્સ સામે કરશે. મુંબઈ ઈન્ડિયન્સ અને ગુજરાત ટાઈટન્સ વચ્ચે 24 માર્ચે મેચ રમાશે. તે જ સમયે, આ મેચ પહેલા, હાર્દિક પંડ્યાની આગેવાની હેઠળની મુંબઈ ઇન્ડિયન્સના ખેલાડીઓ ટ્રેનિંગ સેશનમાં ખૂબ પરસેવો પાડી રહ્યા છે. આ સિવાય રોહિત શર્મા મુંબઈ ઈન્ડિયન્સની ટીમમાં સામેલ થઈ ગયો છે. સોશિયલ મીડિયા પર એક વીડીયો ઝડપથી વાયરલ થઈ રહ્યો છે. આ વીડીયોમાં હાર્દિક પંડ્યા અને રોહિત શર્મા ગળે મળતા જોવા મળી રહ્યા છે.

બંને ખેલાડીઓ ગળે મળ્યા, પરંતુ શું તેમની વચ્ચે બધું બરાબર છે?

હાર્દિક પંડ્યા અને રોહિત શર્માના વીડીયો પર ચાહકોનું કહેવું છે કે બંને ખેલાડીઓ ગળે મળ્યા, પરંતુ શું બંને વચ્ચે બધું બરાબર છે? જો કે, આ વીડીયોમાં હાર્દિક પંડ્યા અને રોહિત શર્મા ઘણા ખુશ દેખાઈ રહ્યા છે, તેમ છતાં સોશિયલ મીડિયા પર વિવિધ પ્રકારની અટકળો લગાવવામાં આવી રહી છે. જો કે બંને ખેલાડીઓનો વીડીયો સોશિયલ મીડિયા પર ઝડપથી વાયરલ થઈ રહ્યો છે. આ સિવાય સોશિયલ મીડિયા યુઝર્સ સતત કોમેન્ટ કરીને પોતાનો પ્રતિભાવ આપી રહ્યા છે.

હાર્દિક પંડ્યા બન્યો મુંબઈ ઈન્ડિયન્સનો કેપ્ટન

આ સિઝનમાં મુંબઈ ઈન્ડિયન્સે રોહિત શર્માની જગ્યાએ હાર્દિક પંડ્યાને પોતાનો કેપ્ટન બનાવ્યો છે. આ પછી બંને વચ્ચે અણબનાવની વાતો શરૂ થઈ હતી. એવું કહેવામાં આવી રહ્યું હતું કે રોહિત શર્મા મુંબઈ ઈન્ડિયન્સના મેનેજમેન્ટના નિર્ણયથી ખુશ નથી. હાર્દિક પંડ્યાએ મુંબઈ ઈન્ડિયન્સ ટીમમાંથી જ IPLમાં ડેબ્યૂ કર્યું હતું. તે 2015થી 2021 દરમિયાન IPLમાં મુંબઈ ઈન્ડિયન્સ તરફથી રમ્યો હતો. ત્યારબાદ 2 વર્ષ માટે તે ગુજરાત ટાઇટન્સ ટીમમાં હતો. તે આ ટીમનો કેપ્ટન હતો. પરંતુ હવે ફરી એકવાર તે મુંબઈ ઈન્ડિયન્સ સાથે જોડાયો છે, અને આ સિઝનમાં કપ્તાની કરવાનો છે.