IPLમાં CSK અને MIની મેચને શા માટે કહેવામાં આવે છે 'El Clasico'? મહામુકાબલા પહેલા જાણી લો
છેલ્લું અપડેટ : 23 Mar 2025
શનિવારે RCB એ KKR ને 7 વિકેટથી હરાવીને IPL 2025ની શરૂઆતની મેચ જીતી હતી. આજે એટલે કે 23 માર્ચે ડબલ હેડર મેચ રમાશે, જેમાં પહેલી મેચ SRH અને RR વચ્ચે રમાશે. જ્યારે, બીજી મેચ સાંજે ચેન્નાઈ સુપર કિંગ્સ અને મુંબઈ ઈન્ડિયન્સ વચ્ચે રમાશે.
આ બે મેચમાંથી, MI vs CSK મેચનો ક્રેઝ વધુ છે કારણ કે બંને ક્રિકેટમાં સૌથી મોટી ફ્રેન્ચાઈઝી ટીમો છે. ફેન્સ બંને વચ્ચેના મુકાબલાની આતુરતાથી રાહ જુએ છે. તે જ સમયે, આ બંને વચ્ચેની IPL મેચને 'એલ-ક્લાસિકો' (El Clasico) કહેવામાં આવે છે, શું તમે તેની પાછળનું કારણ જાણો છો? જો નહીં, તો ચાલો આજના મહામુકાબલા પહેલા તમને તેના વિશે જણાવીએ.
CSK vs MI વચ્ચેની મેચને 'એલ ક્લાસિકો' કેમ કહેવામાં આવે છે?
CSK અને MI વચ્ચેની IPL મેચને 'એલ ક્લાસિકો' કહેવામાં આવે છે. ફૂટબોલમાં 'એલ ક્લાસિકા' શબ્દનો ઉપયોગ એફસી બાર્સેલોના અને રીઅલ મેડ્રિડ વચ્ચેની મેચ માટે થાય છે. બંને વિશ્વ અને સ્પેનની સૌથી મોટી ક્લબ ટીમો છે, તેથી તેમની વચ્ચેની મેચને 'એલ ક્લાસિકા' કહેવામાં આવે છે. તેનો અર્થ ક્લાસિક મેચ અથવા ઉત્કૃષ્ટ થાય છે.
ચેન્નાઈ અને મુંબઈ IPLમાં બે સફળ ટીમો છે. બંનેએ 5-5 વખત IPL ટ્રોફી જીતી છે. જ્યારે IPLમાં મુંબઈ અને ચેન્નાઈ એકબીજા સામે ટકરાય છે, ત્યારે આ મેચ ખૂબ જ સ્પર્ધાત્મક હોય છે, જેના કારણે ફેન્સે તેને 'એલ-ક્લાસિકો' નામ આપ્યું છે.
કોણે જીતી વધુ મેચ?
IPLમાં અત્યાર સુધીમાં CSK અને MI કુલ 37 મેચ રમાઈ છે, જેમાં MIએ 20 મેચ જીતી છે જ્યારે CSKએ 17 મેચ જીતી છે. આજે એટલે કે IPL 2025ની ત્રીજી મેચમાં,MIનો મુકાબલો CSK સામે થશે.
આ 38મી વખત હશે જ્યારે બંને ટીમો IPLમાં એકબીજા સામે રમશે. હાર્દિક પર એક મેચનો પ્રતિબંધ હોવાથી આ મેચમાં MIની કેપ્ટનશિપ સૂર્યકુમાર યાદવ કરશે. હાર્દિક પર ગઈ સિઝનમાં MIની છેલ્લી મેચમાં સ્લો ઓવર રેટને કારણે પ્રતિબંધ લાદવામાં આવ્યો હતો. CSKની કેપ્ટનશિપ ઋતુરાજ ગાયકવાડ પાસે છે.
બંને ટીમોની સંભવિત પ્લેઈંગ ઈલેવન
CSK: ઋતુરાજ ગાયકવાડ (કેપ્ટન), ડેવોન કોનવે, દીપક હુડા, રાહુલ ત્રિપાઠી, શિવમ દુબે, સેમ કરન, એમએસ ધોની (વિકેટકીપર), રવિન્દ્ર જાડેજા, રવિચંદ્રન અશ્વિન, ખલીલ અહેમદ અને મથિશ પથિરાણા.
MI: સૂર્યકુમાર યાદવ (કેપ્ટન), રોહિત શર્મા, વિલ જેક્સ, તિલક વર્મા, નમન ધીર, રોબિન મિંજ (વિકેટકીપર), મિચેલ સેન્ટનર, દીપક ચહર, મુજીબ ઉર રહેમાન, ટ્રેન્ટ બોલ્ટ અને કર્ણ શર્મા.
