IPL 2025: GTએ ઘરમાં ઘુસીને KKR ને હરાવ્યું, આ પાંચ ખેલાડી છે ગુજરાતની જીતના હીરો
છેલ્લું અપડેટ : 22 Apr 2025
ગુજરાત ટાઇટન્સની ટીમને IPL 2025માં રોકવી મુશ્કેલ જ નહીં પણ અશક્ય લાગે છે. શુભમન ગિલના નેતૃત્વમાં આ ટીમે હવે KKRને તેના ઘરે આંગણે 39 રનથી હરાવ્યું છે. પ્રથમ બેટિંગ કરતા ગુજરાતે 20 ઓવરમાં 198 રન બનાવ્યા, જેના જવાબમાં KKRની બેટિંગ નિષ્ફળ ગઈ અને તે આ સિઝનમાં પોતાની પાંચમી મેચ હારી ગયા. બીજી તરફ ગુજરાતની ટીમ 8 માંથી 6 મેચ જીતી છે અને પોઈન્ટ ટેબલમાં ટોચ પર છે. શુભમન ગિલ ગુજરાતની જીતનો હીરો હતો. ગુજરાતના કેપ્ટને 55 બોલમાં 90 રન બનાવ્યા. તેના સાથી ઓપનર સાઈ સુદર્શને 36 બોલમાં 52 રન બનાવ્યા. જોસ બટલરે 23 બોલમાં 41 રન બનાવ્યા હતાં. અહીં જાણો એ પાંચ GT દિગ્ગજો ખેલાડી વિશે જેની સામે KKR હારી ગયું
શુભમન ગિલ
ગુજરાત ટાઇટન્સના કેપ્ટન શુભમન ગિલે ફરી એકવાર પોતાની ટીમ માટે કેપ્ટનશીપની પારી રમી. ગિલ ભલે સદી ચૂકી ગયો હોય, પરંતુ તેની 90 રનની ઇનિંગે મોટો ફરક પાડ્યો. ગિલે આ ઇનિંગ 55 બોલમાં રમી હતી અને આ દરમિયાન તેણે 10 ચોગ્ગા અને ત્રણ છગ્ગા ફટકાર્યા હતા.
સાઈ સુદર્શન
સાઈ સુદર્શને ફરીથી એ જ કામ કર્યું જે તે સતત કરતો આવ્યો છે. હાલમાં ઓરેન્જ કેપ હોલ્ડર સુદર્શને કેપ્ટન ગિલ સાથે મળીને ગુજરાત ટાઇટન્સને સુવર્ણ શરૂઆત અપાવી હતી. બંનેની મજબૂત શરૂઆતનું પરિણામ એ આવ્યું કે GTની ટીમ KKR સામે 199 રનનો લક્ષ્યાંક રાખવામાં સફળ રહી.
જોસ બટલર
જોસ બટલર સાઈ સુદર્શન અને શુભમન ગિલ પાસેથી મળેલી મજબૂત શરૂઆતને વ્યર્થ ન જવા દેવા માટે કટિબદ્ધ હતો. તેણે ઇનિંગ્સના અંતે ઝડપી બેટિંગ કરી. જ્યારે ગિલ આઉટ થયો ત્યારે એવો ભય હતો કે ગુજરાતનો દાવ રનથી ઓછો પડી શકે છે. પરંતુ બટલરે માત્ર 23 બોલમાં 41 રનની ઝડપી ઇનિંગ રમી.
પ્રસિદ્ધ કૃષ્ણા
પ્રસિદ્ધ કૃષ્ણાએ ફરી એકવાર પોતાની શાનદાર બોલિંગથી બધાને પ્રભાવિત કર્યા. તેણે પોતાની ચાર ઓવરમાં માત્ર 25 રન આપ્યા અને રમનદીપ સિંહ અને મોઈન અલીની મહત્વપૂર્ણ વિકેટો લીધી. આમાં પણ તેણે પોતાના જ બોલ પર રમનદીપ સિંહનો કેચ પકડ્યો જે અદ્ભુત હતો.
રાશિદ ખાન
રાશિદ ખાન આ IPLમાં એટલો અસરકારક દેખાતો નથી. પરંતુ કોલકાતા નાઈટ રાઈડર્સ સામે રાશિદ ખાન ફરીથી ફોર્મમાં આવી ગયો. રાશિદે પણ ચાર ઓવરમાં માત્ર 25 રન આપ્યા અને સુનીલ નારાયણ અને આન્દ્રે રસેલની મહત્વપૂર્ણ વિકેટો લીધી.
