RCB vs PBKS FINAL / આજના મહત્ત્વપૂર્ણ મુકાબલા માટે કેવી હશે નરેન્દ્ર મોદી સ્ટેડિયમની પિચ? અહીં જાણો
છેલ્લું અપડેટ : 03 Jun 2025
IPL 2025ની ફાઈનલ મેચમાં, રોયલ ચેલેન્જર્સ બેંગલુરુ (RCB) અને પંજાબ કિંગ્સ (PBKS) આજે નરેન્દ્ર મોદી સ્ટેડિયમમાં ટાઈટલ જીતવા માટે ટકરાશે. આ મેચ સાંજે 7:30 વાગ્યે શરૂ થશે. આના અડધા કલાક પહેલા, એટલે કે સાંજે 7:00 વાગ્યે બંને ટીમોના કેપ્ટન ટોસ માટે મેદાનમાં આવશે. ટોસથી લઈને પિચ સુધી, આજની મેચમાં બધી જ વસ્તુઓ મહત્ત્વપૂર્ણ ભૂમિકા ભજવશે. આવી સ્થિતિમાં, ચાલો જાણીએ કે આ મેચમાં પિચ કેવી હશે.
નરેન્દ્ર મોદી સ્ટેડિયમમાં પિચ કેવી હશે?
નરેન્દ્ર મોદી સ્ટેડિયમની પિચ બેટ્સમેનોને મદદ કરશે. ક્વોલિફાયર 2માં પણ આ ગ્રાઉન્ડ પર ઘણા રન બન્યા હતા. મુંબઈ ઈન્ડિયન્સ (MI) એ 203 રન બનાવ્યા જે પંજાબ કિંગ્સ (PBKS) એ સરળતાથી ચેઝ કરી લીધા હતા. વર્ષ 2025માં આ ગ્રાઉન્ડ પર કુલ 8 મેચ રમાઈ છે, જેમાં પહેલા બેટિંગ કરનારી ટીમે 6 મેચ જીતી છે.
જોકે, અહીં રસપ્રદ વાત એ છે કે આ જ મેદાન પર મુંબઈ ઈન્ડિયન્સ (MI) સામેની છેલ્લી મેચમાં પંજાબ કિંગ્સ (PBKS) એ બીજી ઈનિંગમાં બેટિંગ કરતા 204 રનનો ટાર્ગેટ ચેઝ કર્યો હતો.
નરેન્દ્ર મોદી સ્ટેડિયમમાં IPL મેચોનો રેકોર્ડ કેવો છે?
અહીં અત્યાર સુધી કુલ 43 IPL મેચ રમાઈ છે. પહેલા બેટિંગ કરનારી ટીમે 21 મેચ જીતી છે અને બીજી ઈનિંગમાં બેટિંગ કરનારી ટીમે 22 મેચ જીતી છે.
- આ મેદાન પર સૌથી વધુ સ્કોર- 243 (PBKS દ્વારા)
- આ મેદાન પર સૌથી ઓછો સ્કોર- 89 (GT દ્વારા)
બંને ટીમોની સંભવિત પ્લેઈંગ ઈલેવન
PBKS: પ્રિયાંશ આર્ય, પ્રભસિમરન સિંહ, જોશ ઈંગ્લિસ (વિકેટકીપર), શ્રેયસ અય્યર (કેપ્ટન), નેહલ વઢેરા, શશાંક સિંહ, માર્કસ સ્ટોઈનિસ, અઝમતુલ્લાહ ઓમરઝાઈ, વિજયકુમાર વૈશાખ, કાઈલ જેમીસન, અર્શદીપ સિંહ.
ઈમ્પેક્ટ પ્લેયર - યુઝવેન્દ્ર ચહલ/હરપ્રીત બ્રાર
RCB: ફિલ સોલ્ટ, વિરાટ કોહલી, મયંક અગ્રવાલ, રજત પાટીદાર (કેપ્ટન), લિયામ લિવિંગસ્ટોન/ટીમ ડેવિડ, જીતેશ શર્મા (વિકેટકીપર), રોમારીયો શેફર્ડ, ક્રુણાલ પંડ્યા, ભુવનેશ્વર કુમાર, યશ દયાલ, જોશ હેઝલવુડ.
ઈમ્પેક્ટ પ્લેયર - સુયશ શર્મા
