IPL 2025 / આજે વાનખેડેમાં થશે MI અને KKRની ટક્કર, જીતનું ખાતું ખોલવા પર હશે મુંબઈની નજર
છેલ્લું અપડેટ : 31 Mar 2025
IPLની 2025 સિઝનમાં અત્યાર સુધીમાં 11 મેચ રમાઈ છે. હવે આ લીગમાં ઉત્સાહ ધીમે ધીમે વધી રહ્યો છે. દરમિયાન, મુંબઈ ઈન્ડિયન્સની ટીમ તેના હોમ ગ્રાઉન્ડ વાનખેડે સ્ટેડિયમમાં આ સિઝનની પહેલી મેચ રમવા માટે તૈયાર છે. મુંબઈની ટીમ 31 માર્ચે પોતાની ત્રીજી મેચમાં ડિફેન્ડિંગ ચેમ્પિયન કોલકાતા નાઈટ રાઈડર્સ (KKR) સામે ટકરાશે. અત્યાર સુધી, બંને ટીમો સિઝનમાં બે-બે મેચ રમી ચૂકી છે, જેમાં બંનેનું પ્રદર્શન અલગ-અલગ રહ્યું છે. મુંબઈ તેની બંને મેચ હારી ગયું છે. જ્યારે કોલકાતાએ સિઝનની શરૂઆત RCB સામે હાર સાથે કરી હતી. આ પછી, તેણે રાજસ્થાન રોયલ્સ સામે જીત નોંધાવી હતી.
હેડ ટૂ હેડ રેકોર્ડ
કોલકાતા, મુંબઈ સામે પોતાની જીતનો સિલસિલો ચાલુ રાખવાનો પ્રયાસ કરશે. જ્યારે મુંબઈ પણ જીતનું ખાતું ખોલવા ઈચ્છશે, પરંતુ જો તે હારી ગયું, તો આ સિઝનમાં તેના માટે હારની હેટ્રિક હશે. બંને ટીમોના હેડ ટૂ હેડ રેકોર્ડની વાત કરીએ તો, IPLમાં કોલકાતા અને મુંબઈ વચ્ચે અત્યાર સુધીમાં 34 મેચ રમાઈ છે, જેમાંથી પાંચ વખતની ચેમ્પિયન મુંબઈ 23 વખત જીતી છે, જ્યારે કોલકાતાની ટીમ માત્ર 11 મેચ જીતી શકી છે. બંને વચ્ચેના હેડ ટૂ હેડ રેકોર્ડમાં, મુંબઈ કોલકાતા કરતા ઘણું આગળ છે, પરંતુ કોલકાતાનું પ્રદર્શન છેલ્લી 5 મેચમાં ખૂબ સારું રહ્યું છે.
બંને ટીમોની સંભવિત પ્લેઈંગ ઈલેવન
MI: રોહિત શર્મા, રિયન રિકલટેન (વિકેટકીપર), સૂર્યકુમાર યાદવ, તિલક વર્મા, વિલ જેક્સ, હાર્દિક પંડ્યા (કેપ્ટન), નમન ધીર, મિશેલ સેન્ટનર, દીપક ચહર, ટ્રેન્ટ બોલ્ટ, વિગ્નેશ પુથુર.
KKR: ક્વિન્ટન ડી કોક (વિકેટકીપર), સુનીલ નારાયણ, વેંકટેશ અય્યર, અજિંક્ય રહાણે (કેપ્ટન), રિંકુ સિંહ, આન્દ્રે રસેલ, રમનદીપ સિંહ, સ્પેન્સર જોહ્ન્સન, વૈભવ અરોરા, હર્ષિત રાણા, વરુણ ચક્રવર્તી.
કોણ જીતી શકે છે આ મેચ?
મુંબઈ ઈન્ડિયન્સ અને કોલકાતા નાઈટ રાઈડર્સ વચ્ચે રમાનારી આ મેચ કોણ જીતશે તે કહેવું થોડું મુશ્કેલ છે. જો આપણે આંકડાઓ પર નજર કરીએ તો, મુંબઈ ઈન્ડિયન્સનો હાથ ઉપર હોય તેવું લાગે છે. પરંતુ તાજેતરના ફોર્મને જોતા, કોલકાતાની ટીમ પણ આ મેચ જીતી શકે છે. આ મેચ મુંબઈના હોમ ગ્રાઉન્ડ પર રમાશે, તેથી હાર્દિકની ટીમને આ મેચમાં થોડો ફાયદો થશે.
મેચની વિગતો
- મુંબઈ ઈન્ડિયન્સ vs કોલકાતા નાઈટ રાઈડર્સ, મેચ 12
- સ્થળ: વાનખેડે સ્ટેડિયમ, મુંબઈ
- તારીખ અને સમય: સોમવાર, 31 માર્ચ, 2025, સાંજે 7:30 વાગ્યે (ભારતીય સમય મુજબ)
- લાઈવ ટેલિકાસ્ટ અને સ્ટ્રીમિંગ: સ્પોર્ટ્સ18/સ્ટાર સ્પોર્ટ્સ નેટવર્ક, જિયોહોટસ્ટાર (એપ અને વેબસાઈટ)
