IND vs AUS / બોક્સિંગ ડે ટેસ્ટ જોવા માટે બગાડવી પડશે ઊંઘ, જાણો કેટલા વાગ્યે શરૂ થશે મેચ

ભારત અને ઓસ્ટ્રેલિયા વચ્ચે બોર્ડર-ગાવસ્કર ટ્રોફી 2024-25ની ચોથી ટેસ્ટ મેલબર્નમાં રમાશે. આ બોક્સિંગ ડે ટેસ્ટ હશે, જે આવતિકાલ એટલે કે 26 ડિસેમ્બરથી શરૂ થશે. આ મેચ લાઈવ જોવા માટે ભારતીય ફેન્સ તેમની ઊંઘ બગાડવી પડશે. અગાઉ, બ્રિસ્બેનમાં રમાયેલી સિરીઝની ત્રીજી ટેસ્ટ ભારતીય સમય અનુસાર સવારે 5:50 વાગ્યે શરૂ થઈ રહી હતી, પરંતુ મેલબર્નમાં રમાતી બોક્સિંગ ડે ટેસ્ટ તેના કરતા પણ વહેલી શરૂ થશે. તો ચાલો જાણીએ કે મેચનો સમય શું છે.

આ પણ વાંચો: WTC 2025 ફાઈનલની રેસમાં છે આ 4 ટીમો, જાણો ભારત સહિત તમામ દેશોના સમીકરણ

બોક્સિંગ ડે ટેસ્ટ કેટલા વાગ્યે શરૂ થશે?

ભારતીય ફેન્સે બોક્સિંગ ડે ટેસ્ટ જોવા માટે સૂર્યોદયના લગભગ 2 કલાક પહેલા જાગવું પડશે. ભારતીય સમય અનુસાર બોક્સિંગ ડે ટેસ્ટ સવારે 5:00 વાગ્યે શરૂ થશે. મેચનો પહેલો બોલ 5 વાગે ફેંકવામાં આવશે. ભારતીય સમય મુજબ સવારે 4:30 વાગ્યે ટોસ થશે. 

ટીમ ઈન્ડિયાએ જીત સાથે શરૂઆત કરી હતી

તમને જણાવી દઈએ કે ભારતીય ટીમે બોર્ડર-ગાવસ્કર ટ્રોફીની શરૂઆત જીત સાથે કરી હતી. સિરીઝની પ્રથમ મેચ પર્થમાં રમાઈ હતી, જેમાં ટીમ ઈન્ડિયાએ 295 રનથી જીત મેળવી હતી. જોકે, એડિલેડમાં રમાયેલી બીજી ટેસ્ટમાં યજમાન ઓસ્ટ્રેલિયાએ શાનદાર વાપસી કરી હતી અને 10 વિકેટથી જીત મેળવી હતી. આ પછી, સિરીઝની ત્રીજી ટેસ્ટ બ્રિસ્બેનના ગાબા ખાતે રમાઈ હતી. ગાબા ટેસ્ટ ડ્રોમાં સમાપ્ત થઈ હતી. ગાબામાં વરસાદને કારણે ઘણી મુશ્કેલી પડી હતી, જેના કારણે મેચમાં કોઈ પરિણામ આવી શક્યું ન હતું.

છેલ્લી બે ટેસ્ટ માટે ભારતીય ટીમ

રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, કેએલ રાહુલ, રિષભ પંત (વિકેટકીપર), રવિન્દ્ર જાડેજા, નીતિશ કુમાર રેડ્ડી, મોહમ્મદ સિરાજ, જસપ્રિત બુમરાહ, આકાશ દીપ, તનુષ કોટિયન, ધ્રુવ જુરેલ, વોશિંગ્ટન સુંદર, દેવદત પડિક્કલ, સરફરાઝ ખાન, અભિમન્યુ ઈશ્વરન, પ્રસિદ્ધ કૃષ્ણ, હર્ષિત રાણા.

છેલ્લી બે ટેસ્ટ માટે ઓસ્ટ્રેલિયાની ટીમ

પેટ કમિન્સ (કેપ્ટન), ઉસ્માન ખ્વાજા, ટ્રેવિસ હેડ, સ્ટીવ સ્મિથ, શોન એબોટ, સ્કોટ બોલેન્ડ, એલેક્સ કેરી (વિકેટકીપર), સેમ કોન્સટાસ, ઝાય રિચર્ડસન, જોશ ઈંગ્લિશ, માર્નસ લાબુશેન, નાથન લિયોન, મિચેલ માર્શ, મિચેલ સ્ટાર્ક, બ્યુ વેબસ્ટર.