ICC T20 રેન્કિંગ જાહેર: વૈભવ સૂર્યવંશી પાછળ ધકેલાયા, ઈશાન કિશને દબદબો રાખ્યો અકબંધ
છેલ્લું અપડેટ : 10 Sept 2026
આઈસીસીએ 9 સપ્ટેમ્બરે જાહેર કરેલી નવી T20 બેટિંગ રેન્કિંગમાં ભારતીય બેટર ઈશાન કિશનનું નંબર-1 સ્થાન યથાવત્ રહ્યું છે, જ્યારે યુવા બેટર વૈભવ સૂર્યવંશીને 2 સ્થાનનું નુકસાન થયું છે. ઈશાન 910 રેટિંગ પોઈન્ટ સાથે ટોચ પર છે, જ્યારે વૈભવ હવે 49મા સ્થાને છે.
ઈશાન કિશનનો દબદબો યથાવત્
1… ઈશાન કિશન 910 રેટિંગ સાથે આઈસીસી ટી20 બેટિંગ રેન્કિંગમાં નંબર-1 પર મજબૂત રીતે યથાવત્ છે.
2… પાકિસ્તાનનો સાહિબઝાદા ફરહાન 848 રેટિંગ સાથે બીજા છે.
3… ભારતનો અભિષેક શર્મા 819 રેટિંગ સાથે ત્રીજા સ્થાને છે.
4… ઇંગ્લેન્ડનો ફિલ સોલ્ટ 799 રેટિંગ સાથે 4થા સ્થાને પહોંચી ગયો છે.
5… દક્ષિણ આફ્રિકાના ડેવાલ્ડ બ્રેવિસ 789 રેટિંગ સાથે 5મા સ્થાને સરકી ગયો છે.
વૈભવ સૂર્યવંશીને 2 સ્થાનનું નુકસાન
વૈભવ સૂર્યવંશી (Vaibhav Suryavanshi)ને નવી રેન્કિંગમાં 2 સ્થાનનું નુકસાન થયું છે. તે 47મા સ્થાનેથી સરકીને હવે 49મા સ્થાને પહોંચી ગયો છે. આ ઘટાડો તેની ફોર્મના કારણે નહીં, પરંતુ ભારતીય ટીમ હાલમાં ટી20 મેચો ન રમી રહી હોવાથી થયો હોવાનું જણાવાયું છે.
લુઆન-ડ્રે પ્રિટોરિયસની મોટી છલાંગ
દક્ષિણ આફ્રિકાના લુઆન-ડ્રે પ્રિટોરિયસે એ રેન્કિંગમાં 61 સ્થાનની મોટી છલાંગ લગાવી છે. તે 44મા સ્થાને પહોંચી ગયો છે. નામિબિયા સામે 101 અને અગાઉની મેચમાં 94 રનની શાનદાર ઇનિંગનો તેને રેન્કિંગમાં મોટો ફાયદો થયો છે.