IPL 2024 / કેવી રીતે ખરીદવી IPL મેચોની ટિકિટ? સ્ટેડિયમમાં મેચ જોવા માંગતા હોવ તો જાણી લો સંપૂર્ણ વિગત

IPL 2024 આવતીકાલ એટલે કે 22 માર્ચથી શરૂ થઈ રહી છે. પ્રથમ મેચમાં મહેન્દ્ર સિંહ ધોનીની આગેવાની હેઠળની ચેન્નાઈ સુપર કિંગ્સ રોયલ ચેલેન્જર્સ બેંગ્લોરના પડકારનો સામનો કરશે. બંને ટીમો વચ્ચેની મેચ ચેન્નાઈના ચિદમ્બરમ સ્ટેડિયમમાં રમાશે. આ મેચ માટે ટિકિટોની માંગ ઘણી વધી રહી છે. ક્રિકેટ ચાહકો ગમે તે ભોગે ટિકિટ મેળવવા માંગે છે. જો કે, આજે અમે તમને જણાવીશું કે IPL 2024ની મેચોની ટિકિટ કેવી રીતે બુક કરવી? IPL મેચ જોવા માટે ચાહકો માટે કયા વિકલ્પો ઉપલબ્ધ છે?

આ વેબસાઈટ પર ઓનલાઈન ટિકિટ બુક કરાવી શકો છો

ચેન્નાઈ સુપર કિંગ્સ ઉપરાંત, ગુજરાત ટાઇટન્સ, પંજાબ કિંગ્સ, સનરાઇઝર્સ હૈદરાબાદ અને દિલ્હી કેપિટલ્સ જેવી ટીમો Paytm Insider દ્વારા તેમની ઘરેલું મેચોની ટિકિટનું ઓનલાઇન વેચાણ કરશે. એટલે કે, ચાહકો Paytm Insider સાઇટ પર ઓનલાઈન ટિકિટ બુક કરી શકે છે. જ્યારે કોલકાતા નાઈટ રાઈડર્સ, મુંબઈ ઈન્ડિયન્સ, લખનૌ સુપર જાયન્ટ્સ અને રાજસ્થાન રોયલ્સની હોમ મેચની ટિકિટ BookMyShow પર ઉપલબ્ધ થશે. જ્યારે રોયલ ચેલેન્જર્સ બેંગ્લોરની હોમ મેચ માટે TicketGenie પર ઓનલાઈન ટિકિટ બુક કરી શકશો.

પ્રથમ મેચ ચેન્નાઈથી એમ.એ. ચિદમ્બરમ સ્ટેડિયમમાં રમાશે

તમને જણાવી દઈએ કે IPL 2024ની પ્રથમ મેચમાં ચેન્નાઈ સુપર કિંગ્સ અને રોયલ ચેલેન્જર્સ બેંગ્લોરની ટીમો આમને-સામને ટકરાશે. બંને ટીમો વચ્ચેની મેચ એમ.એ. ચિદમ્બરમ સ્ટેડિયમ, ચેન્નાઈ ખાતે રમાશે. મહેન્દ્ર સિંહ ધોનીની આગેવાની હેઠળ ચેન્નાઈ સુપર કિંગ્સ ડિફેન્ડિંગ ચેમ્પિયન તરીકે પ્રવેશ કરશે. IPL 2023ની ફાઇનલમાં, CSK એ ફાઇનલમાં ગુજરાત ટાઇટન્સને હરાવીને રેકોર્ડ પાંચમી વખત ટાઈટલ જીત્યું હતું. તે જ સમયે, રોયલ ચેલેન્જર્સ બેંગ્લોર તેની પ્રથમ IPL ટ્રોફીની શોધમાં છે. અત્યાર સુધી રોયલ ચેલેન્જર્સ બેંગ્લોર IPL ટાઈટલ જીતવામાં નિષ્ફળ રહી છે.