ભૂતપૂર્વ ક્રિકેટર એસ. શ્રીસંત પર તૂટી પડ્યો દુઃખોનો પહાડ, પિતાનું 89 વર્ષની ઉંમરે થયું અવસાન
છેલ્લું અપડેટ : 12 Sept 2026
એસ. શ્રીસંતના પિતા વી. શાંતાકુમારન નાયરનું શુક્રવારે રાત્રે અવસાન થયું હતું. PTIએ પરિવારના સૂત્રોને ટાંકીને આ વાતની પુષ્ટિ કરી છે. ભૂતપૂર્વ ભારતીય ક્રિકેટર શ્રીસંતના પિતા લિસી હોસ્પિટલમાં સારવાર લઈ રહ્યા હતા. તેઓ 89 વર્ષના હતા. તેમના પાર્થિવ શરીરને કોટ્ટામંગલમ સ્થિત તેમના પૈતૃક ઘર લઈ જવામાં આવશે.
અહેવાલમાં પારિવારિક સૂત્રોને ટાંકીને કહેવામાં આવ્યું છે કે એસ. શ્રીસંતના પિતાનો પાર્થિવ શરીર હાલમાં શબઘરમાં રાખવામાં આવ્યો છે. તેમના પરિવારના સભ્યો હાલમાં વિદેશમાં છે અને પાછા ફર્યા પછી તેઓ તેમના પાર્થિવ ઘર કોટ્ટામંગલમ ખાતે તેમના પૈતૃક ઘર લઈ જશે. ભૂતપૂર્વ ક્રિકેટરના પિતા નાયર ભારતીય જીવન વીમા નિગમમાં પ્રાદેશિક મેનેજર તરીકે નિવૃત્ત થયા હતા.
નાયરનો પાર્થિવ શરીર રવિવારે સવારે 10 વાગ્યાથી બપોરે 2 વાગ્યા સુધી જાહેર દર્શન માટે રાખવામાં આવશે. અંતિમ સંસ્કાર સાંજે 4 વાગ્યે કરવામાં આવશે.
43 વર્ષીય એસ. શ્રીસંત 2022માં ક્રિકેટના તમામ સ્વરૂપોમાંથી નિવૃત્તિ લઇ ચૂક્યો છે. તેણે ભારત માટે 27 ટેસ્ટ, 53 ODI અને 10 T20I મેચ રમી છે, જેમાં અનુક્રમે 87, 75 અને 7 વિકેટ લીધી છે.
2011ના વર્લ્ડ કપ વિજેતા ટીમના સભ્ય એસ. શ્રીસંત પર IPL દરમિયાન મેચ ફિક્સિંગનો આરોપ મૂકવામાં આવ્યો હતો. 2015માં નીચલી અદાલત દ્વારા તેને નિર્દોષ જાહેર કરવામાં આવ્યા હોવા છતાં, તે આંતરરાષ્ટ્રીય ક્રિકેટ કે IPLમાં પાછો નહતો ફરી શક્યો.