કોણ હતા દેવતાઓના ડોક્ટર અશ્વિની કુમાર, શા માટે તેમનું માથું મનુષ્યને બદલે હતું ઘોડાનું?
છેલ્લું અપડેટ : 24 Dec 2024
હિંદુ પૌરાણિક કથાઓ અનુસાર, દેવતાઓ અને દેવીઓને પણ એક ચિકિત્સકની જરૂર હતી અને હિંદુ ધર્મના 33 મુખ્ય દેવતાઓમાંથી, અશ્વિની કુમાર એવા છે કે જેમને દેવતાઓના ચિકિત્સક કહેવામાં આવે છે.
આ પણ વાંચો: રાવણને રાત્રે કોણે કર્યા હતા પરેશાન? જેના કારણે શ્રી રામને લખવો પડ્યો પત્ર
તેઓ કોઈપણ યુદ્ધ વખતે ખાસ કરીને દેવી-દેવતાઓની સારવાર કરતા હતા. ચાલો તેમના મૂળ, વાસ્તવિક નામો અને તેમને ઘોડાનું માથું કેવી રીતે મળ્યું તેની ચર્ચા કરીએ.
સૂર્યદેવ સાથે છે સંબંધ
પુરાણો અનુસાર અશ્વિની કુમારનો સંબંધ સૂર્યદેવ અને તેમની પત્ની સંજ્ઞા સાથે હોવાનું માનવામાં આવે છે. દિવ્ય શિલ્પકાર વિશ્વકર્માએ તેમની પુત્રી સંજ્ઞાના લગ્ન સૂર્ય ભગવાન સાથે કર્યા. સંજ્ઞાએ બે પુત્રો, વૈવસ્વત અને યમ તેમજ યમુના નામની પુત્રીને જન્મ આપ્યો. જોકે, સંજ્ઞા સૂર્યની તીવ્ર ગરમી સહન નહતી કરી શકતા, જેના કારણે તે એક વખત તેના પડછાયાને પાછળ છોડીને ધ્યાન કરવા ગઈ હતી.
જ્યારે સંજ્ઞા દૂર હતી, ત્યારે સૂર્ય સંજ્ઞાના છાયા ને પત્ની સમજી બેઠા. પરંતુ પછી તેઓને સમજાયું કે તે માત્ર એક છેતરપિંડી હતી. આ પછી સૂર્યદેવે પોતાની આંખો બંધ કરી અને ધ્યાનની સ્થિતિમાં તેમની પત્નીને ઘોડીના રૂપમાં તપસ્યા કરતી જોઈ. તેણે પોતાનું તેજ ઓછું કર્યું અને પછી તેમની પાસે જવા માટે ઘોડાનું સ્વરૂપ લીધું.
આ કારણે અશ્વિની કુમાર નામ પડ્યું
સૂર્યે તેના ઘોડા સ્વરૂપે સંજ્ઞા સાથે સમાગમ કર્યો જેના પરિણામે જોડિયા પુત્રો નાસત્ય અને દસ્ત્રનો જન્મ થયો. તેમનો જન્મ આ રીતે થયો હોવાથી તેમનું નામ અશ્વિની કુમાર રાખવામાં આવ્યું. સૂર્યે તેનું તેજ ઓછું કર્યા પછી, સંજ્ઞા તેમની સાથે રહેવા માટે સંમત થયા.
સૂર્યના આશીર્વાદથી યમ ન્યાયના દેવતા બન્યા. યમુના એક પ્રખ્યાત નદી બની, અને વૈવસ્વતે સાતમા મનુની ભૂમિકા ભજવી. નાસત્ય દસ્ત્ર દેવતાઓના વૈદ્ય બન્યા. મહાભારત કાળ દરમિયાન, પાંચ પાંડવોમાંથી બે, નકુલ અને સહદેવ, આ અશ્વિની કુમારોના પુત્રો હતા. કુંતીએ ઋષિ દુર્વાસા પાસેથી મળેલો મંત્ર માદ્રીને આપ્યો અને માદ્રીને પણ બે પુત્રો થયા.
નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.
