અસ્ત થઈને વક્રી થાશે શુક્ર! આ 4 રાશિઓ પર થશે લક્ષ્મીજીની અપાર કૃપા!
છેલ્લું અપડેટ : 15 Sept 2026
જ્યોતિષશાસ્ત્રમાં શુક્ર ગ્રહને ધન, વૈભવ, પ્રેમ, લગ્નજીવન, કળા અને ભૌતિક સુખ-સુવિધાઓના કારક માનવામાં આવે છે. સપ્ટેમ્બરના અંતથી શુક્રની સ્થિતિમાં બે મોટા ફેરફારો થવા જઈ રહ્યા છે. પ્રથમ શુક્ર અસ્ત થશે અને ત્યારબાદ વક્રી અવસ્થામાં ગોચર કરશે. જ્યોતિષીય ગણતરી મુજબ શુક્રની આ બદલાતી ચાલથી કેટલીક ચોક્કસ રાશિઓના જાતકોને ધનલાભ, કરિયર અને વેપાર-ધંધામાં ઉત્તમ તકો મળી શકે છે.
23 સપ્ટેમ્બરે શુક્ર થશે અસ્ત, 37 દિવસ રહેશે આ અવસ્થા
જ્યોતિષીય ગણતરી અનુસાર, 23 સપ્ટેમ્બર 2026ના રોજ રાત્રે 8:16 વાગ્યે શુક્ર ગ્રહ અસ્ત થશે.
3 ઓક્ટોબરથી શરૂ થશે વક્રી ચાલ
શુક્રના ઉદય પહેલાં જ તેમની ચાલમાં મોટો બદલાવ જોવા મળશે. 3 ઓક્ટોબર 2026ના રોજ શુક્ર વક્રી (ઊંધી ચાલ) થશે. તેઓ આશરે 42 દિવસ સુધી વક્રી અવસ્થામાં રહ્યા બાદ 14 નવેમ્બર 2026ના રોજ ફરી માર્ગી થશે. વક્રી શુક્ર જૂના સંબંધો, અધૂરા અટકેલા કામો, રોકાયેલા આર્થિક પ્રશ્નો અને અગાઉ લીધેલા નિર્ણયોની પુનઃ સમીક્ષા કરવા માટે શુભ માનવામાં આવે છે. આ સમયમાં જૂની તકો કે ભૂતકાળના સંપર્કો ફરી લાભ કરાવી શકે છે.
આ 4 રાશિઓ માટે શુક્રનું પરિવર્તન બનશે અત્યંત ફાયદાકારક:
કર્ક રાશિ: આર્થિક મોરચે રાહતના મોટા સંકેતો છે. લાંબા સમયથી અટવાયેલા નાણાં પાછા મળવાની અથવા આવકના નવા સ્ત્રોત ઊભા થવાની સંભાવના રહેલી છે. વેપારી વર્ગને નવા બિઝનેસ સંપર્કોથી મોટો ફાયદો થઈ શકે છે.
સિંહ રાશિ: કરિયરમાં આગળ વધવાની ઉત્તમ તકો પ્રાપ્ત થશે. નોકરી કરતા લોકોને નવી મહત્ત્વપૂર્ણ જવાબદારી અથવા વરિષ્ઠ અધિકારીઓનો પૂરો સહયોગ મળી શકે છે. વેપારમાં નવી ડીલ ફાયદાનો સોદો સાબિત થઈ શકે છે.
ધન રાશિ: ધનલાભ અને બચતના દ્રષ્ટિકોણથી આ સમયગાળો ઘણો સારો સાબિત થશે. આવકમાં વધારો થવાના યોગ બનશે અને જૂની આર્થિક યોજનાઓને આગળ ધપાવવામાં સફળતા મળશે. પરિવાર તરફથી કોઈ સારા સમાચાર પણ મળી શકે છે.
કુંભ રાશિ: નોકરી અને વેપારમાં પ્રગતિના નવા દરવાજા ખુલશે. કાર્યક્ષેત્રે મહત્ત્વનો હોદ્દો કે નવી જવાબદારી મળવાની સાથે આવકના નવા રસ્તા બનશે. વેપાર વિસ્તરણની યોજનાઓ પર કામ ઝડપથી આગળ વધી શકે છે.
સમગ્ર રીતે જોતાં સપ્ટેમ્બરના અંતથી નવેમ્બરના મધ્ય સુધી શુક્રની ચાલમાં સતત થનારા ફેરફારો આ ચાર રાશિના જાતકો માટે આર્થિક અને વ્યાવસાયિક દ્રષ્ટિએ વિશેષ ફળદાયી નીવડશે.
