Vastu Tips: ઘરમાં સફાઈ કરતી વખતે આ વાતોનું ખાસ રાખો ધ્યાન! નહિંતર થઈ શકે છે નકારાત્મક અસર
છેલ્લું અપડેટ : 29 May 2026
કોઈપણ કાર્ય કરવા માટે વાસ્તુશાસ્ત્રના નિયમોનું ખાસ ધ્યાન રાખવામાં આવે છે. ઘરની સફાઈ ફક્ત તેને સુંદર બનાવવા માટે જ નહીં, પણ ઘરમાં સકારાત્મક ઉર્જા વધારવા માટે પણ કરવામાં આવે છે. ઘરમાં જમા થયેલી ધૂળ અને ગંદકી માત્ર અસ્વચ્છતા જ નહીં, પરંતુ ઘરની ઉર્જા પર પણ નકારાત્મક અસર કરે છે. વાસ્તુશાસ્ત્ર અનુસાર, ઘરમાં સકારાત્મકતા જળવાઈ રહે અને તિજોરી હંમેશા ભરેલી રહે તે માટે સફાઈ અને પોતું કરવાની યોગ્ય પદ્ધતિ તેમજ સાચી દિશા ખૂબ જ મહત્વપૂર્ણ માનવામાં આવે છે. તો ચાલો જાણીએ સફાઈ કરવાની સાચી દિશા અને નિયમો વિશે:
સફાઈની શરૂઆત કઈ દિશાથી કરવી શુભ છે?
વાસ્તુ અનુસાર, ઘરની સફાઈ અને પોતું કરવાની શરૂઆત હંમેશા ઈશાન ખૂણા (ઉત્તર-પૂર્વ) અથવા પૂર્વ દિશાથી કરવી જોઈએ. ઉત્તર-પૂર્વ દિશાને શુભ ઉર્જાનું કેન્દ્ર માનવામાં આવે છે. આ દિશાથી સફાઈ શરૂ કરવાથી ઘરમાં ધન અને સમૃદ્ધિ વધે છે. આ ઉપરાંત, સૂર્યનું પહેલું કિરણ પૂર્વ દિશામાં પડતું હોવાથી ત્યાંથી સફાઈ કરવાથી ઘરમાં નવી ઉર્જા અને સકારાત્મકતાનો સંચાર થાય છે.
પોતું (મોપિંગ) કરવાની સાચી રીત:
ઘરમાં પોતું કરવાની શરૂઆત હંમેશા ઉત્તર-પૂર્વ (ઈશાન) ખૂણાથી કરીને દક્ષિણ-પશ્ચિમ (નૈઋત્ય) ખૂણા તરફ આગળ વધવું જોઈએ. આમ કરવાથી ઘરમાંથી નકારાત્મક ઉર્જા બહાર નીકળી જાય છે અને ધન-સંપત્તિમાં વધારો થાય છે. સફાઈ કરતી વખતે હંમેશા મનમાં સકારાત્મક વિચારો રાખો અને સુખ-સમૃદ્ધિ માટે ઈશ્વર પ્રત્યે કૃતજ્ઞતા (આભાર) વ્યક્ત કરો.
નોંધ:- આ લેખમાં આપવામાં આવેલી તમામ માહિતી વિવિધ સ્રોતો જેવા કે - પંચાંગો/ ઉપદેશો/ ધાર્મિક માન્યતાઓ/જ્યોતિષીઓ/ શાસ્ત્રોમાંથી સંકલિત કરવામાં આવી છે અને તમને પ્રસારિત કરવામાં આવી છે. અમારો હેતુ માત્ર માહિતી પૂરી પાડવાનો છે. GSTV આની પુષ્ટિ નથી કરતું. તેના માટે કોઈ નિષ્ણાતનું માર્ગદર્શન લેવું.