પેરિસ ઓલિમ્પિક 2024ની પહેલી મેચમાં જ તોડ્યું હરીફનું નાક, પછી થયો લિંગ વિવાદ, ફાઈનલમાં પહોંચી અલ્જીરિયાની ઈમાન ખલીફા

પેરિસ ઓલિમ્પિક 2024ના સૌથી મોટા વિવાદમાં ફસાયેલી અલ્જીરિયાની બોક્સર ઈમાન ખલીફાએ 66 કિગ્રા વજન વર્ગની ફાઈનલમાં જગ્યા બનાવી લીધી છે. 6 ઓગસ્ટ, મંગળવારના રોજ રમાયેલી મેચમાં ઈમાને થાઈલેન્ડની જનજેમ સુવાનાફેંગને હરાવીને ગોલ્ડ મેડલ મેચમાં પોતાનું સ્થાન નિશ્ચિત કર્યું હતું. પેરિસ ઓલિમ્પિકની પ્રથમ મેચમાં ઈટાલીની એન્જેલા કેરિનીએ માત્ર 46 સેકન્ડ બાદ મેચ છોડવાનો નિર્ણય લીધો હતો. આ મેચમાં તેનું નાક તૂટી ગયું હતું. આ પછી, ઈમાન ખલીફાને લઈને લિંગ વિવાદ ઊભો થયો હતો.

અલ્જીરિયાની બોક્સર ઈમાન ખલીફાએ પેરિસ ઓલિમ્પિકની 66 કિગ્રા વજન વર્ગની બોક્સિંગ ઈવેન્ટની ફાઈનલમાં જગ્યા બનાવી લીધી છે. મંગળવારે રમાયેલી મેચમાં તેણે થાઈલેન્ડની જનજેમ સુવાનાફેંગ સામે 5-0થી જીત મેળવી હતી. આ ટૂર્નામેન્ટની પ્રથમ મેચમાં જ્યારે ઈમાન ખલીફા ઈટાલીની બોક્સર એન્જેલા કેરિની સામે રમવા આવી ત્યારે જોરદાર મુક્કા માર્યા બાદ તેના વિરોધીનું નાક તૂટી ગયું હતું. રિવોર્ડ પંચ પછી કેરિનીએ મેચમાંથી ખસી જવાનો નિર્ણય લીધો હતો. આ પછી લિંગ વિવાદ વધુ ઘેરો બન્યો પરંતુ આ પછી પણ ઈમાન પેરિસ ઓલિમ્પિકમાં રહી અને ફાઈનલમાં પોતાનું સ્થાન બનાવ્યું.

લિંગ વિવાદ શું છે?

પેરિસ ઓલિમ્પિકમાં અલ્જીરિયાની બોક્સર ઈમાન ખલીફાને લઈને લિંગ વિવાદ ઊભો થયો હતો. ઈટાલિયન મહિલા બોક્સર કેરિનીએ એક પ્રશ્ન ઉઠાવ્યો હતો કે તે પુરૂષ છે કે મહિલા. પ્રથમ મેચમાં ઈજાગ્રસ્ત થયા બાદ મેચ છોડતી વખતે તેણે કહ્યું હતું કે, તેને આખી જીંદગીમાં આટલો શક્તિશાળી પંચ ક્યારેય નથી મળ્યો. આ મેચ 1લી ઓગસ્ટે રમાઈ હતી. આ પછી ખલીફાને સોશિયલ મીડિયા પર જોરદાર ટ્રોલ કરવામાં આવી હતી. એટલું જ નહીં ઓલિમ્પિક કમિટીની પણ દરેક જગ્યાએ ટીકા થઈ રહી હતી.

ખરેખર ઈમાન ખલીફા ટ્રાન્સજેન્ડર છે. લિંગ પાત્રતાના ધોરણોને પૂર્ણ ન કરવા બદલ તેને 2023 વર્લ્ડ ચેમ્પિયનશિપમાંથી બાકાત રાખવામાં આવી હતી. લિંગ-સમાનતાને કારણે તેને પેરિસ ઓલિમ્પિકમાં રમવાની તક આપવામાં આવી છે.