Travel Places / ભારતના આ સ્થળોએ એકસાથે જોવા મળે છે પર્વત અને સમુદ્ર, તમારી ટ્રાવેલ લિસ્ટમાં કરો સામેલ
છેલ્લું અપડેટ : 25 Apr 2025
કેટલાક લોકોને પર્વતીય વિસ્તારો ગમે છે, તો કેટલાકને બીચ ગમે છે. કેટલાક લોકો હિલ સ્ટેશન પર રજાઓ ગાળવાનું સ્વપ્ન જુએ છે જ્યારે કેટલાક લોકો બીચ પર સૂર્યાસ્તનો આનંદ માણવા માંગે છે. તમે મુસાફરી કરવા માટે તમારું મનપસંદ સ્થળ પસંદ કરો છો પણ સમસ્યા ત્યારે ઊભી થાય છે જ્યારે તમારી સાથે મુસાફરી કરતી વ્યક્તિની પસંદગી અલગ હોય છે. જેમ કે તમે કોઈ હિલ સ્ટેશન પર જવા માંગો છો પરંતુ તમારા પાર્ટનર બીચ પર રજા ગાળવાનો આગ્રહ રાખે છે. હવે શું કરવું જોઈએ?
તમે આ બંનેનો એકસાથે અનુભવ કરી શકો છો. ભારતમાં એવી જગ્યાઓ છે જ્યાં બીચ અને પર્વતો એકસાથે જોવા મળે છે. આ સ્થળોએ, તમે લીલાછમ પર્વતો સાથે વાદળી સમુદ્રના પાણીની સુંદરતાનો આનંદ માણી શકો છો. અહીં અમે એવી જગ્યાઓ વિશે જણાવી રહ્યા છીએ જ્યાં સમુદ્રની નજીક પર્વતો છે.
કૈનાકોના, ગોવા
દક્ષિણ ગોવામાં કૈનાકોના નામનું એક સુંદર સ્થળ છે જેમાં અગોંધા બીચ, બટરફ્લાય બીચ અને પાલોલેમ બીચ જેવા અદ્ભુત બીચ છે. આ બીચ અદ્ભુત, લીલાછમ પર્વતોથી ઘેરાયેલા છે. બીચની એક બાજુ રેતી અને ઊંચા ખજૂરના વૃક્ષો છે તો બીજી બાજુ ક્યારેય ન ખૂટતું પાણી અને ટેકરીઓ છે.
ગોકર્ણ, કર્ણાટક
જો તમે શાંતિપૂર્ણ વેકેશન શોધી રહ્યા છો, તો તમારી વ્યસ્ત જીવનશૈલીથી દૂર પ્રકૃતિની નજીક રહેવા માટે કર્ણાટકના ગોકર્ણની મુલાકાત લો. ગોકર્ણ એ ભારતના સૌથી આકર્ષક છતાં ઓછા જાણીતા બીચ સ્થળોમાંનું એક છે. અહીં કેટલાક શાંત બીચ છે જેમ કે ઓમ બીચ, કુડલે બીચ, પેરેડાઈઝ બીચ, નિર્વાણ બીચ અને હાફ મૂન બીચ. પરંતુ અહીં ફક્ત bich જ પ્રવાસીઓને અલગ આકર્ષિત કરતા નથી, ગોકર્ણના સુંદર પર્વતો, ખડકાળ ઢોળાવ અને મનમોહક જંગલો ટ્રેકિંગના વિકલ્પો પણ પ્રદાન કરે છે.
યારાદા, આંધ્રપ્રદેશ
આંધ્રપ્રદેશના વિશાખાપટ્ટનમથી 15 કિમી દૂર સ્થિત, યારાદા બીચ બંગાળની ખાડીના પશ્ચિમ કિનારે એક સુંદર બીચ છે. યારાદા બીચ ત્રણ બાજુથી સુંદર પર્વતોથી ઘેરાયેલો છે. બીચથી ત્રણ કિલોમીટર દૂર ડોલ્ફિન નોઝ નામની એક ટેકરી છે જે ખરેખર ડોલ્ફિનના નાક જેવી દેખાય છે.
એલિફન્ટ બીચ, આંદામાન
આંદામાનના હેવલોક ટાપુ પર પ્રવાસીઓ માટે એક સુંદર સ્થળ છે, જેનું નામ એલિફન્ટ બીચ છે. ત્યાં હોડી દ્વારા અથવા ખડકાળ જંગલોમાંથી ટ્રેકિંગ કરીને પહોંચી શકાય છે. આ શાંત સફેદ રેતીનો બીચ જંગલો, ઊંચા વૃક્ષો અને લીલાછમ પર્વતો વચ્ચે આવેલો છે. તે અત્યંત આકર્ષક લાગે છે.
