Travel Places : ઓછા ખર્ચે સ્થાયી થવા માટે સૌથી સસ્તા અને સુરક્ષિત છે આ દેશ!
છેલ્લું અપડેટ : 16 Jan 2026
આજની નવી પેઢી વિદેશોમાં અભ્યાસ કરવા કે ત્યાં સ્થાયી થવાની પ્રબળ ઇચ્છા રાખે છે. એવામાં એમના પરિવાર માટે મહત્વનો વિષય એ બની રહે છે કે વિદેશમાં સ્થાયી થવાની ઇચ્છા રાખતુ એમનુ સંતાન જલ્દીથી Settled થાય અને સુરક્ષિત રહે. જોકે ઘણા પરિવાર માટે સંતાનોને વિદેશ મોકલવા માટે આર્થિક સંઘર્ષ પણ કરવો પડે છે. ઘણા દેશ ભારતની સરખામણીએ મોંઘા છે પરંતુ સુરક્ષિત છે, તો ઘણા દેશો એવા પણ છે જ્યાં કમાણી સારી છે પરંતુ સુરક્ષિત નથી. જોકે દુનિયામાં ઘણા એવા દેશ છે જે સસ્તા અને સુરક્ષિત પણ છે અને ત્યાં સ્થાયી થવા માટે ખર્ચ પણ ઓછો થાય છે.
પોર્ટુગલઃ
ગ્લોબલ પીસ ઈન્ડેક્સની યાદીમાં સામેલ આ દેશ લોકોને રહેવા માટે સૌથી સુરક્ષિત દેશોમાંથી એક છે. અહીંનો ખુશનુમા મોસસ, ફ્રેશ સી ફૂડ અને રમણીય દરિયા કિનારા દુનિયાભરના લોકોને પસંદ આવે છે. આ દેશની ખાસિયત એ છે કે અન્ય દેશોની સરખામણીએ ઘણો સસ્તો છે. અહીં ટ્રાન્સપોર્ટથી માંડીને ઘર, ઘરનો સરસામાન અને જીવન જરુરિયાતની તમામ ચીજવસ્તુઓ બહુ સસ્તા ધોરણે ઉપલબ્ધ છે. વિદેશમાં ભણવાની ઇચ્છા રાખતા વિદ્યાર્થીઓ માટે પણ આ દેશ શ્રેષ્ઠ વિકલ્પ છે. અહીં એજ્યુકેશન લેવુ અન્ય દેશોની સરખામણીએ સસ્તુ છે.
મલેશિયાઃ
વિદેશમાં સ્થાયી થવાનુ વિચારતા લોકો માટે મલેશિયા એક સારો વિકલ્પ સાબિત થઇ શકે છે. દુનિયાના સુરક્ષિત દેશો પૈકી એક મલેશિયામાં ક્રાઇમ રેટ એકદમ ઓછો છે. અહીં સસ્તા રહેઠાણની સાથે સાથે મિલનસાર લોકોનો સાથ પણ મળી રહે છે. રહેવા માટે સૌથી સસ્તો અને સુરક્ષિત દેશ તરીકે મલેશિયા દુનિયાભરના લોકોની પહેલી પસંદ માનવામાં આવે છે. અહીં એજ્યુકેશન પણ સસ્તુ છે.
કોસ્ટા રિકાઃ
કોસ્ટા રિકા દુનિયામાં રહેવા માટે સૌથી સસ્તા અને સુરક્ષિત દેશોમાંથી એક છે. અહીંનું વાતાવરણ પણ ખૂબ જ અનુકૂળ માનવામાં આવે છે. સાથે-સાથે કમાણીના પર સારા વિકલ્પો મળી રહે છે.
વિયતનામઃ
વિયતનામ ટૂરિઝમ માટે પણ જાણીતો દેશ છે. અહીંના પહાડોથી માંડીને દરિયા કિનારા અને ગુફાઓ પર્યટકો માટે આકર્ષણનું કેન્દ્ર છે. સૌથી ખાસ વાત એ છે કે આ દેશ રહેવા માટે દુનિયાના સૌથી સુરક્ષિત દેશોમાં સામેલ છે અને કમાણીના સ્રોત પણ સારા છે. ઘણા લોકો વિયતનામમાં અંગ્રેજી ભાષા સિખવા માટે આવે છે અને પ્લેસમેન્ટ થયા બાદ સારી કમાણી કરી રહ્યા છે. આ સિવાય અહીં શિક્ષણ, મહિલાઓના અધિકારો અને આરોગ્ય ક્ષેત્રે પણ રોજગાર મેળવી શકો છો.
ચેક રિપબ્લિકઃ
ઈતિહાસ અને સંસ્કૃતિ પ્રેમી માટે આ દેશ પહેલી પસંદ બની શકે છે. ચેક ગણરાજ્યમાં 2000થી વધુ મહેલ છે જેમાંથી ઘણા મહેલ મધ્ય યુગ પછી નિર્માણ પામ્યા છે. અહીંના 20 સ્મારક એવા છે જે વિશ્વ ધરોહરમાં સામેલ છે. આ દેશ રહેવા, ખાવા-પીવા માટે ખૂબ જ સસ્તો છે અને શિક્ષણ ક્ષેત્રે કમાણીની તકો પણ મળી રહે છે.
