VIDEO: અહીં ઘરોમાં મુક્તપણે ફરે છે સાપ, જાણો કેમ આ ગામના લોકો ડરતા નથી?
છેલ્લું અપડેટ : 18 Aug 2026
સૌથી બહાદુર લોકો પણ સાપનો ઉલ્લેખ કરતા જ ડરી જાય છે. સાપ દેખાય જાય તો લૂકોનું ડરના કારણે મગજ અને શરીર કામ કરવાનું બંધ કરી દે છે. જો ઘરની નજીક કોઈ ઝેરી સાપ દેખાય તો પણ લોકો ગભરાઈ જાય છે. પરંતુ એક ગામ એવું છે જ્યાં સાપ અને કોબ્રા ઘરોમાં માણસોની સાથે રહે છે.
મહારાષ્ટ્ર પર્યટન વિકાસ નિગમના સત્તાવાર પોર્ટલ અને સોલાપુર જિલ્લા વહીવટીતંત્રની સત્તાવાર વેબસાઇટ અનુસાર, ભારતના મહારાષ્ટ્ર રાજ્યમાં સ્થિત આ ગામમાં, સાપ કોઈપણ ભય વિના માનવ ઘરોમાં મુક્તપણે ફરે છે. ચાલો આ અનોખા સ્થળ વિશે વધુ જાણીએ.
સાપનું ગામ
સાપ વચ્ચે રહેવું, ફરવું અને રમવું એ કોઈ કાલ્પનિક વાર્તા કે ફિલ્મનું દ્રશ્ય નથી, પરંતુ વાસ્તવિકતા છે. મહારાષ્ટ્રના સોલાપુર જિલ્લામાં સ્થિત શેતપાલ એક અનોખું ગામ છે જ્યાં લોકો કોઈ ભય વિના સાપની સાથે રહે છે. જ્યારે પણ આ ગામમાં નવું ઘર બને છે, ત્યારે લોકો સાપને રહેવા માટે છત અથવા દિવાલના ખૂણામાં એક ખાસ જગ્યા બનાવવાનું સુનિશ્ચિત કરે છે. સ્થાનિક લોકો આ સ્થળને "દેવસ્થાનમ" કહે છે. આ ગામમાં, તમે દિવસભર શેરીઓમાં અને ઘરની અંદર સાપને ફરતા જોઈ શકો છો.
ઝેરી કોબ્રા બાળકોના પલંગ પર બેસે છે
આ ગામની સૌથી આશ્ચર્યજનક વાત એ છે કે સાપ ગમે તેટલા ઝેરી હોય, લોકો ડર્યા વિના તેમની આસપાસ ફરે છે. સ્થાનિકોના મતે, સાપ ક્યારેક બાળકોના અભ્યાસના ટેબલ પર, ક્યારેક પલંગ પર બેઠેલા જોવા મળે છે. તમને જાણીને આશ્ચર્ય થશે કે આજ સુધી, કોઈ બાળક કે પુખ્ત વ્યક્તિને સાપ કરડ્યો નથી કે નુકસાન નથી પહોંચાડ્યું.
સાપ દેવતામાં શ્રદ્ધા
આ અનોખું સહઅસ્તિત્વ ગામલોકોની સાપ દેવતા પ્રત્યેની ઊંડી ભક્તિ અને તેમની પૌરાણિક માન્યતાઓને કારણે છે. સ્થાનિક રહેવાસીઓ માને છે કે ભગવાન શિવ અને સાપ દેવતાનો આ ગામ પર ખાસ આશીર્વાદ છે. અહીંના લોકો સાપની પૂજા કરે છે અને તેમને મારવા અથવા નુકસાન પહોંચાડવાને ગંભીર પાપ માને છે. આ ગામની મુલાકાત લેતા બહારના લોકો ઘણીવાર સાપને મુક્તપણે ફરતા જોઈને આશ્ચર્યચકિત થઈ જાય છે, પરંતુ ગામલોકો તેમના મહેમાનોને તેમની સલામતીની ખાતરી આપે છે.
પેઢીઓથી ચાલી આવતી એક અનોખી પરંપરા
ગ્રામજનોનો દાવો છે કે સાપ સાથે રહેવાની આ પરંપરા પેઢીઓથી ચાલી આવી છે. આટલા વર્ષો દરમિયાન, ગામમાં કોઈનું પણ સાપ કરડવાથી મૃત્યુ નથી થયું. એવું લાગે છે કે અહીંના સાપ માનવ અવાજો અને તેમના પ્રેમને સમજે છે. આ જ કારણે આ ગામ માત્ર ભારતમાં જ નહીં પરંતુ વિશ્વભરના પ્રવાસીઓ માટે આકર્ષણનું કેન્દ્ર બન્યું છે.
મહારાષ્ટ્રમાં શેતપાલ ગામ કેવી રીતે પહોંચવું?
ટ્રેન દ્વારા: શેતપાલની નજીકનું રેલ્વે સ્ટેશન મોડનિમ્બ અને આસુતિ/અષ્ટી છે. મુખ્ય સોલાપુર જંકશન પણ નજીકમાં છે. આ દરેક રેલ્વે સ્ટેશનથી બહાર નીકળ્યા પછી, તમે શેતપાલ ગામ પહોંચવા માટે સ્થાનિક બસ અથવા ટેક્સી શોધી શકો છો. તમે પુણે-સોલાપુર હાઇવે દ્વારા ખાનગી કાર અથવા ટેક્સી દ્વારા પણ સરળતાથી શેતપાલ પહોંચી શકો છો.