ચૈત્ર નવરાત્રી દરમિયાન વૈષ્ણો દેવીના દર્શન કરવા જઈ રહ્યા છો, તો જમ્મુના આ ખાસ સ્થળોની લઈ શકો છો મુલાકાત
છેલ્લું અપડેટ : 29 Mar 2024
ચૈત્રી નવરાત્રી આવી રહી છે અને ઘણા લોકો માતા વૈષ્ણો દેવી દર્શન કરવા જવાનું આયોજન કરી રહ્યા છે. જો તમે પણ આ લોકોમાં છો, તો આ વખતે વૈષ્ણો દેવીની યાત્રાને થોડી રોમાંચક બનાવો. તેને એવી રીતે પ્લાન કરો કે તમે બને તેટલા વધુ સ્થળોની મુલાકાત લઈ શકો. કારણ કે જમ્મુ જવાનો અર્થ માત્ર વૈષ્ણો દેવી જવાનું નથી, પરંતુ તમે ત્યાં જઈને નજીકના સ્થળોની પણ મુલાકાત લઈ શકો છો. તો ચાલો જાણીએ કે જમ્મુમાં ક્યા સ્થળોની મુલાકાત લઈ શકાય છે.
રઘુનાથ મંદિર
તમે વૈષ્ણો દેવીના દર્શને જઈ રહ્યા હોવ તો રધુનાથ મંદિરની મુલાકાત લો. રઘુનાથ મંદિર ઉત્તર ભારતના સૌથી મોટા મંદિર સંકુલોમાંનું એક છે. મહારાજા ગુલાબ સિંહ અને તેમના પુત્ર મહારાજ રણબીર સિંહે આ મંદિર 1853-1860 દરમિયાન બનાવ્યું હતું. મંદિરમાં ઘણા દેવતાઓ પૂજનીય છે, પરંતુ મુખ્ય દેવતા ભગવાન રામ છે. અહીં હનુમાનજીનું મંદિર પણ છે. મંદિરની ખાસ વાત તેનું સંકુલ છે જે ઘણું મોટું છે.
બાગ-એ-બહુ પાર્ક
બાગ-એ-બહુને જમ્મુનો મુગલ ગાર્ડન કહેવામાં આવે છે. આ એક અત્યંત સુંદર પાર્ક છે. અહીં વચ્ચેથી પસાર થતી તાવી નદી તેની રચનાને ખાસ બનાવે છે. આ પાર્ક વિશાળ લોન અને મોટા ફુવારા, સુંદર તળાવ અને પથ્થરોથી શણગારેલું છે. તે રંગબેરંગી લાઈટોથી ચમકે છે અને તમે આ તળાવના કિનારે સારો સમય વિતાવી શકો છો.
અમર મહેલ
અમર મહેલ જમ્મુમાં તાવી નદીના જમણા કિનારે આવેલો છે. અહીંની મુલાકાત તમારા માટે ખાસ હોઈ શકે છે કારણ કે તે શિવાલિક પહાડીઓ પર સ્થિત છે અને નદી અને પર્વતની વચ્ચે આવેલા આ મહેલની મુલાકાત પોતાનામાં ખાસ હોઈ શકે છે. તેનું નિર્માણ જમ્મુના મહારાજા હરિ સિંહ દ્વારા કરવામાં આવ્યું હતું અને તેનું ફ્રેન્ચ આર્કિટેક્ચર જોવા જેવું છે. હવે તે મ્યુઝિયમ જેવું છે.
સુરીનસર માનસર તળાવ
સુરીનસર માનસર તળાવ એ જમ્મુના સૌથી સુંદર તળાવોમાંનું એક છે જે ગાઢ મેંગ્રોવ્સ અને પાઈન વૃક્ષો અને સુંદર ટેકરીઓથી ઘેરાયેલું છે. અહીં આવીને તમે પ્રકૃતિના ખાસ રંગો જોઈ શકો છો. તે તમારા બધા થાક અને તણાવને ઘટાડી શકે છે અને તમારા મનને ખુશ કરી શકે છે. તેથી, જો તમે આ વખતે જમ્મુ જાઓ છો, તો આ સ્થળોની જરૂર મુલાકાત લો.
