VIDEO: ગમતી વ્યક્તિના Red Flags નથી દેખાતા તો સાવધાન! તમે પણ હોઈ શકો છો Delulu Datingના શિકાર

આજકાલ સોશિયલ મીડિયા પર જેન-ઝી (Gen-Z) વચ્ચે રિલેશનશિપને લગતો એક શબ્દ 'Delulu Dating' ખૂબ ટ્રેન્ડ કરી રહ્યો છે. આ શબ્દ સાંભળીને જ સમજી શકાય છે કે તે 'Delusion' (ભ્રમ) શબ્દ પરથી આવ્યો છે, પણ ડેટિંગ સાથે તેનો શું સંબંધ છે?

સાંભળવામાં થોડું અજીબ લાગી શકે છે, પરંતુ આજની પેઢી માટે આ એક પ્રકારનું 'કોપિંગ મિકેનિઝમ' એટલે પરિસ્થિતિ સામે લડવાની રીત બની ગયું છે. ચાલો સમજીએ કે ડેલુલૂ ડેટિંગ શું છે અને તેમાં શું થાય છે.

Delulu Dating નો અર્થ શું છે?

સાદા શબ્દોમાં કહીએ તો, "Delulu is the solulu" (ભ્રમ જ ઉકેલ છે) એ આ ટ્રેન્ડનો મૂળ મંત્ર છે. તેનો અર્થ એ છે કે ડેટિંગ દરમિયાન વાસ્તવિકતાને થોડી નજરઅંદાજ કરીને પોતાની એક કાલ્પનિક દુનિયામાં રહેવું.

આને એમ સમજો કે, જો ભૂતકાળમાં તમારું દિલ ખરાબ રીતે તૂટ્યું હોય કે છેતરપિંડી થઈ હોય, છતાં તમે ભવિષ્યને લઈને આશાવાદી રહો છો અને નવા રિલેશનશિપમાં પણ એટલા જ ખુલ્લા દિલથી પ્રયત્ન કરો છો.

આ ટ્રેન્ડ આટલો પોપ્યુલર કેમ છે?

ડેલુલૂ ડેટિંગ પસંદ કરવા પાછળ ઘણા કારણો છે, જેમ કે:

નિરાશાથી બચાવ: જ્યારે તમે પહેલેથી જ માની લો છો કે બધું સારું જ થશે, ત્યારે તમે રિજેક્શનના ડરથી આઝાદ થઈને પહેલ કરી શકો છો.

સેલ્ફ-કોન્ફિડન્સ: આ 'ફેક ઈટ ટિલ યુ મેક ઈટ' એટલે જ્યાં સુધી સફળ ન થાઓ ત્યાં સુધી દેખાવ કરો જેવું છે. પોતાને એ વિશ્વાસ અપાવવો કે તમે સર્વશ્રેષ્ઠ છો, તે તમારા આત્મવિશ્વાસને વધારે છે.

ડેલુલૂ ડેટિંગના ફાયદા અને ગેરફાયદા

ફાયદા:

પોઝિટિવિટી: તે તમને ઉદાસ થવાને બદલે ખુશ રહેવામાં મદદ કરે છે.
મેનિફેસ્ટેશન: ઘણા લોકો તેને 'લો ઓફ એટ્રેક્શન' સાથે જોડે છે. તેમનું માનવું છે કે જો આપણે કોઈ વસ્તુ વિશે પોઝિટિવ વિચારીશું, તો તે હકીકત બની જશે.

ગેરફાયદા:

રેડ ફ્લેગ્સને નજરઅંદાજ કરવા: સૌથી મોટું જોખમ એ છે કે 'ડેલુલૂ' રહેવાના ચક્કરમાં તમે સામેવાળી વ્યક્તિની ખરાબ આદતો કે 'રેડ ફ્લેગ્સ' જોઈ શકતા નથી.

હકીકતથી દૂરી: જ્યારે તમારી કલ્પનાનો મહેલ તૂટે છે, ત્યારે થતું દુઃખ હકીકત કરતા ક્યાંય વધારે હોય છે.

એકતરફી લગાવ: આ સ્થિતિ ક્યારેક સ્ટોકિંગ અથવા સામેની વ્યક્તિને અસહજ કરી દે તેવી સ્થિતિ સુધી લઈ જઈ શકે છે.