Recipe / કંઈક મીઠું ખાવાની ઈચ્છા થાય તો બનાવી લો રબડી મલાઈ ટોસ્ટ, ક્યારેય નહીં ભૂલાય તેનો સ્વાદ

શું તમને કંઈક મીઠું ખાવાની ઈચ્છા થાય છે પરંતુ રસોડામાં લાંબો સમય નથી વિતાવી શકતા? તો પછી રબડી મલાઈ ટોસ્ટની આ રેસીપી તમારા માટે સારો વિકલ્પ હોઈ શકે છે. તે બનાવવામાં ખૂબ સરળ છે, સાથે જ તેનું ક્રીમી ટેક્સચર પણ તમારું મન ખુશ કરી દેશે. ફક્ત 10 મિનિટમાં, તમે એક એવી મીઠાઈ તૈયાર કરી શકો છો જે તમારા મહેમાનોને પણ પસંદ આવશે.

સામગ્રી

• બ્રેડ સ્લાઈસ: 4 (કિનારીઓ દૂર કરેલી)
• મલાઈ: 1/2 કપ
• ખાંડ: 2-3 ચમચી (અથવા સ્વાદ મુજબ)
• એલચી પાવડર: 1/4 ચમચી
• દૂધ: 2-3 ચમચી
• ડ્રાય ફ્રુટ્સ (સમારેલા)
• કેસરના તાંતણા: થોડા (વૈકલ્પિક)

બનાવવાની રીત

• સૌથી પહેલા એક બાઉલમાં મલાઈ, ખાંડ, એલચી પાવડર અને દૂધ ઉમેરીને સારી રીતે મિક્સ કરો.
• હવે તે સ્મૂધ અને ક્રીમી પેસ્ટ બને ત્યાં સુધી તેને ફેંટો.
• આ પછી એક પેન ગરમ કરો અને તેના પર તેલ કે ઘી વગર બ્રેડને આછા સોનેરી રંગની થાય ત્યાં સુધી શેકો.
• જો તમે ઈચ્છો તો, તમે થોડું ઘી લગાવીને પણ તેને સોનેરી બનાવી શકો છો.
• હવે બ્રેડનો ટુકડો લો અને તેના પર તૈયાર રબડી મલાઈની પેસ્ટ ફેલાવો.
• આ પછી તેને ડ્રાયફ્રૂટ્સ અને કેસરથી ગાર્નીશ કરો.
• તમે તેને તરત જ અથવા તેને થોડી ઠંડી થયા બાદ સર્વ કરી શકો છો.