Recipe / આ વખતે બટાકા નહીં કોર્ન અને ચીઝમાંથી બનાવો ક્રિસ્પી ટિક્કી, બાળકોને પસંદ આવશે તેનો સ્વાદ

બાળકોના ટિફિનની વાત આવે ત્યારે, દરેક માતા વિચારે છે કે એવું શું બનાવવું જે ઝડપથી તૈયાર થઈ શકે, અને બાળકો કોઈ વાંધો ઉઠાવ્યા વિના આનંદથી ખાઈ શકે? આવી સ્થિતિમાં, સ્ત્રીઓ ઘણી બધી સામગ્રી સાથે તેમની મનપસંદ વસ્તુઓ બનાવે.પરંતુ  હંમેશા કંઈક નવું બનાવવાનું ટેન્શન રહે છે. 

આ પણ વાંચો :

Recipe / બાળકો માટે લીચીમાંથી બનાવો જેલી, બજારમાંથી લાવવાની જરૂર નહીં પડે

Recipe : માત્ર 5 મિનિટમાં બની જશે સ્વાદિષ્ટ દહીં સેન્ડવીચ, નાસ્તા માટે પરફેક્ટ છે આ રેસીપી

આવી સ્થિતિમાં તમે તેમને મકાઈ અને ચીઝમાંથી બનેલી ટિક્કી ખવડાવી શકો છો. આ ટિક્કી બનાવવામાં વધારે સમય નહીં લાગે અને તે સામાન્ય ટિક્કીથી થોડી અલગ અને ખૂબ જ સ્વાદિષ્ટ હશે. મકાઈ અને ચીઝમાંથી બનેલી સ્વાદિષ્ટ ટિક્કી ખાધા પછી બાળક ખુશ થઈ જશે.

આ નાસ્તો માત્ર સ્વાદમાં જ નહીં પણ પોષણમાં પણ સમૃદ્ધ છે. મકાઈમાં રહેલા ફાઈબર અને મિનરલ્સ, કેપ્સિકમમાં રહેલ વિટામિન સી અને ચીઝનું પ્રોટીન, આ બધું મળીને તેને બાળકો માટે સ્વસ્થ બનાવે છે. ખાસ વાત એ છે કે આ ટિક્કી તળેલી નથી, પરંતુ તવા પર શેકવામાં આવે છે. ઉપરથી ક્રિસ્પી ટેક્સચર અને અંદરથી ચીઝી ફ્લેવર તેનો સ્વાદ વધારશે.

આ પણ વાંચો :

Recipe : ક્રિસ્પી પોહા ભજીયા બનાવો, સ્વાદ એવો કે આંગળીઓ ચાટતા રહેશો

Recipe : બટાકામાંથી બનાવો સોફ્ટ અને ટેસ્ટી ગુલાબ જાંબુ, તો નોંધી લો સરળ રેસીપી

સામગ્રી

• 1 કપ મકાઈ
• 1 બારીક સમારેલી ડુંગળી
• 1/2 કપ કેપ્સિકમ (બારીક સમારેલું)
• 1 લીલું મરચું (બારીક સમારેલું)
• 2 ચમચી ચણાનો લોટ
• 1 ચમચી મકાઈનો લોટ
• 1/2 કપ ચીઝ (છીણેલું)
• સ્વાદ મુજબ મીઠું
• 1/4 ચમચી કાળા મરી
• જરૂર મુજબ પાણી
• તેલ

બનાવવાની રીત

• સૌપ્રથમ, મકાઈના દાણા કાઢીને તેને સારી રીતે ધોઈ લો.
• હવે મકાઈના દાણાને પાણીમાં નાખો અને તેને ઉકાળો. જ્યારે દાણા નરમ થઈ જાય, ત્યારે તેને ચાળણીમાં ગાળીને ઠંડા થવા દો.
• હવે બાફેલા મકાઈના દાણાને મિક્સર જારમાં ઉમેરીને બરછટ પીસી લો.
• આ પછી, તેને એક બાઉલમાં કાઢી તેમાં કોર્નસ્ટાર્ચ, ડુંગળી, કેપ્સિકમ અને લીલું મરચું ઉમેરો.
• ત્યારેબાદ તેમાં ચણાનો લોટ, છીણેલું ચીઝ, મીઠું અને કાળા મરી ઉમેરો અને મિક્સ કરો.
• હવે જરૂર પડે તો થોડું પાણી ઉમેરી બધી વસ્તુઓ મિક્સ કરો અને મિશ્રણ તૈયાર કરો.
• ધ્યાનમાં રાખો કે મિશ્રણ ખૂબ પાતળું ન હોવું જોઈએ, નહીં તો ટિક્કી તૂટી શકે છે.
• હવે તમારા હાથ પર થોડું તેલ લગાવો અને મિશ્રણમાંથી મધ્યમ કદની ટિક્કી બનાવો.
• હવે એક તવા અથવા નોન-સ્ટીક પેનને ગરમ કરો અને તેમાં થોડું તેલ રેડો.
• ત્યારબાદ તૈયાર કરેલી ટિક્કીઓને તવા પર મૂકો અને ધીમા તાપે બંને બાજુથી ગોલ્ડન બ્રાઉન અને ક્રિસ્પી થાય ત્યાં સુધી શેકો.
• તૈયાર કરેલી ટિક્કીઓને ટોમેટો કેચઅપ, ફુદીનાની ચટણી અથવા દહીં સાથે ગરમાગરમ સર્વ કરો.