Holi 2024 / હોળીના ખાસ અવસર પર ઘરે બનાવો આ 2 પ્રકારના શ્રીખંડ, જાણી લો સરળ રેસીપી

રંગોનો તહેવાર હોળી આ વર્ષે 25 માર્ચ સોમવારના રોજ ઉજવાશે. આ દિવસે લોકો હોળી રમવાની સાથે વિવિધ વાનગીઓ પણ બનાવે છે. ઘણા લોકો ઘરે પાર્ટીઓ પણ રાખે છે. આવી સ્થિતિમાં આજે અમે તમારા માટે 2 પ્રકારના શ્રીખંડની ખાસ રેસીપી લઈને આવ્યા છીએ. તે બનાવવામાં સરળ હોવા ઉપરાંત, તમારા મહેમાનોને ચોક્કસપણે ભાવશે.

કેસર શ્રીખંડ

સામગ્રી

• કેસર – 15-20 તાંતણાં
• દહીં – 500 ગ્રામ
• ઠંડુ દૂધ – 50 મિલી.
• એલચી પાવડર – 1 ચમચી
• દળેલી ખાંડ – 100 ગ્રામ
• ડ્રાય ફ્રુટ્સ – જરૂરિયાત મુજબ

બનાવવાની રીત

• સૌથી પહેલા દૂધમાં કેસર નાખીને 3-4 કલાક પલાળી રાખો.
• હવે દહીંને કોટનના કપડામાં નાખીને 4-5 કલાક સુધી લટકાવી રાખો.
• નિર્ધારિત સમય બાદ એક બાઉલમાં કેસર મિશ્રિત દૂધ, દહીં, ખાંડ, એલચી પાવડર નાખીને મિક્સ કરો.
• આ તમામ વસ્તુઓને સારી રીતે ફેટલી લો.
• હવે તેને ડ્રાય ફ્રુટ્સથી ગાર્નિશ કરીને ફ્રીજમાં ઠંડુ થવા માટે રાખો.
• ઠંડુ થયા પછી તેને સર્વિંગ ડીશમાં કાઢીને સર્વ કરો.
• તૈયાર છે તમારો કેસર શ્રીખંડ.

મેંગો શ્રીખંડ

સામગ્રી

• દહીં – 3 ½ કપ
• કેરી – 2 (ઝીણી સમારેલી)
• ખાંડ – ½ કપ
• એલચી પાવડર -4-5
• કેસર – 1 ચપટી
• ડ્રાય ફ્રુટ્સ – જરૂરિયાત મુજબ

બનાવવાની રીત

• સૌપ્રથમ દહીંને કોટનના કપડામાં નાખીને 4-5 કલાક સુધી લટકાવી રાખો.
• હવે બ્લેન્ડરની મદદથી કેરીની પ્યુરી બનાવો.
• હવે કેરીની પ્યુરીમાં ઘટ્ટ દહીં, કેસર, ખાંડ અને એલચી પાવડર ઉમેરીને બ્લેન્ડ કરો.
• હવે તેને ડ્રાય ફ્રુટ્સથી ગાર્નિશ કરી તેને ઠંડુ થવા માટે 3-4 કલાક ફ્રીજમાં રાખો.
• બાદમાં તેને સર્વિંગ ડીશમાં કાઢીને ડ્રાયફ્રૂટ્સ અને સમારેલી કેરીથી ગાર્નિશ કરીને સર્વ કરો.
• તૈયાર છે તમારો સ્વાદિષ્ટ મેંગો શ્રીખંડ.