બાળકો ખાવામાં નખરા કરે છે, તો નાસ્તામાં બનાવો બનાના પેનકેક, જાણી લો સરળ રેસીપી

કેળા એક એવું સુપરફૂડ છે, જે બાળકોના સ્વાસ્થ્ય માટે ખૂબ જ ફાયદાકારક છે. તે બાળકોને આખો દિવસ એનર્જીથી ભરપૂર રાખે છે, પરંતુ એક સાથે અનેક પોષક તત્વોની ઉણપને પણ દૂર કરે છે. ઘણી વખત બાળકો કેળાને જોતાની સાથે જ નખરા કરવા લાગે છે. જો તમારું બાળક પણ કેળા ખાવા નથી માંગતું તો કેળામાંથી પેનકેક બનાવીને બાળકોને ખવડાવી શકો છો. આ તમારા બાળકનો મનપસંદ નાસ્તો બની જશે અને તમે તેના બે કેળાના દૈનિક આહારને સરળતાથી પૂર્ણ કરી શકશો.

સામગ્રી

• બે – પાકેલા કેળા
• એક કપ – દૂધ
• દોઢ કપ – મેંદો
• 1/4 ચમચી – ખાવાનો સોડા
• એક ચમચી – બેકિંગ પાવડર
• બે ચમચી – ખાંડ
• 1/4 ચમચી – મીઠું
• ત્રણ ચમચી – માખણ
• બે ચમચી – વિનેગર
• 1 ચમચી – વેનીલા અર્ક

બનાવવાની રીત

• સૌ પ્રથમ કેળાને નાના-નાના ટુકડા કરી લો અને તેને મિક્સરમાં નાખો.
• હવે તેમાં બે કપ દૂધ ઉમેરો અને તેને સારી રીતે મિક્સ કરો.
• હવે તેને એક બાઉલમાં મૂકો અને તેમાં મેંદો ઉમેરો અને સારી રીતે હલાવો. જો જરૂરી હોય તો થોડું વધુ દૂધ ઉમેરો.
• હવે તેમાં ખાવાનો સોડા, બેકિંગ પાવડર, ખાંડ, મીઠું, માખણ, વિનેગર, વેનીલા અર્ક વગેરે ઉમેરીને બરાબર મિક્સ કરી લો.
• જ્યારે સારી રીતે મિશ્રિત થાય ત્યારે બેટર તૈયાર છે.
• હવે નોનસ્ટીક તવાને ગેસ પર મૂકો અને તેના પર થોડું ઘી અથવા તેલ ઉમેરો.
• હવે ચમચા વડે પેનકેક બેટર ઉમેરો.
• એક બાજુથી શેકાઈ જાય એટલે તેને પલટી બીજું બાજુ શેકી લો અને પ્લેટમાં રાખો. આ રીતે બધા બેટરમાંથી પેનકેક બનાવો.
• સર્વ કરવા માટે, પેનકેક પર એપલ સીરપ અથવા મધ નાખો અને સર્વ કરો.