Recipe / આ સરળ રીતે ઘરે જ બનાવો ગાર્લિક બ્રેડ, બાળકોને ખૂબ પસંદ આવશે તેનો સ્વાદ

ગાર્લિક બ્રેડ ખાવામાં ખૂબ જ સ્વાદિષ્ટ હોય છે. તે નાના અને મોટા દરેકને ભાવે છે, જોકે ઘણા લોકોને લાગે છે કે ઘરે ગાર્લિક બ્રેડ બનાવવી ખૂબ મુશ્કેલ છે. પરંતુ આવું બિલકુલ નથી. આ માટે, આજે અમે તમારા માટે એક સરળ રેસીપી લાવ્યા છીએ. તેની મદદથી, તમે ઘરે ઝડપથી બજાર જેવી ગાર્લિક બ્રેડ બનાવી શકો છો. જેથી તમારા બાળકને બહારનો ખોરાક ખાવાથી તો બચાવી જ શકાશે, સાથે જ તમને ભોજનમાં વેરાયટી મળશે.

આ પણ વાંચો :

Recipe / ઘરે બનાવો પિઝા પરાઠા, બાળકોથી વડિલો સુધી દરેક વ્યક્તિ કરશે વખાણ

Recipe / ઘરે બનાવવા માંગો છો બજાર જેવા લેમન રાઈસ? તો અજમાવો આ સરળ રીત

સામગ્રી

• 4-5 બ્રેડ સ્લાઈસ
• 1/2 કપ માખણ, ઓગાળેલું
• 2-3 લસણની કળી, બારીક સમારેલી
• 1/4 કપ છીણેલું ચીઝ
• 1/4 ચમચી મીઠું
• 1/4 ચમચી કાળા મરી
• 1/4 ચમચી અજમો (વૈકલ્પિક)

બનાવવાની રીત

• સૌથી પહેલા ઓવનને 200 °C (400 °F) પર પ્રીહિટ કરો.
• હવે એક બાઉલમાં, ઓગાળેલું માખણ, લસણ, મીઠું, મરી અને અજમો મિક્સ કરો.
• હવે બ્રેડ સ્લાઈસ લો અને તેના પર માખણનું મિશ્રણ લગાવો.
• હવે બ્રેડ પર છીણેલું ચીઝ ઉમેરો.
• બ્રેડને બેકિંગ શીટ પર મૂકો અને 10-12 મિનિટ માટે અથવા ચીઝ ઓગળે ત્યાં સુધી બેક કરી લો.
• તમારી ગાર્લિક બ્રેડ તૈયાર છે. તેણે ગરમા-ગરમ સર્વ કરો.