આખી રાત સૂતા પછી પણ ઊંઘ આવવી અને માથાના દુખાવાની સમસ્યા રહે છે, તો ક્રોનિક ફટીગ સિન્ડ્રોમના હોઈ શકે છે લક્ષણો

દિવસભરના કામ અને તણાવ પછી થાક લાગવો સ્વાભાવિક છે. આને દૂર કરવા માટે રાત્રે શાંતિપૂર્ણ ઉંઘ લેવી ખૂબ જ જરૂરી છે, પરંતુ જો તમે એવા લોકોમાંથી છો કે જેઓ આખી રાત સૂતા પછી પણ દિવસભર બગાસા ખાતા રહે છે, થાક અનુભવતા હોય છે, કોઈ કામ કરવાનું મન થતું નથી, જેના કારણે તમારા કામ પર પણ અસર પડે છે, તો તે ક્રોનિક ફટીગ સિન્ડ્રોમ હોઈ શકે છે. આવો જાણીએ આ સમસ્યા શા માટે થાય છે, તેના લક્ષણો શું છે અને તેનાથી બચવાના ઉપાયો વિશે પણ જાણીએ.

ક્રોનિક ફટીગ સિન્ડ્રોમના લક્ષણો

• વિચારવાની ક્ષમતાને અસર થાય છે.
• યાદશકિતને નબળી પડવી.
• સતત માથાનો દુખાવો.
• આખો દિવસ ઊંઘ આવવી.
• સ્નાયુ અને સાંધાનો દુખાવો.
• વધારે સમય સુધી ઉધરસ આવવી.
• ઠંડી લાગવી.
• અતિશય પરસેવો વળવો.
• ખરાબ મૂડમાં રહેવું.
• આંખમાં બળતરા અને શુષ્કતા.
• કામમાં કરવાનું મન ન થવું.
• ભૂખ ન લાગવી.

ક્રોનિક ફટીગ સિન્ડ્રોમના કારણો

સામાન્ય રીતે, આ સમસ્યા નબળી રોગપ્રતિકારક શક્તિ ધરાવતા લોકોને વધુ અસર કરે છે. કામનું દબાણ વધવાથી આવા લોકો થાક અનુભવવા લાગે છે. કેટલાક બેક્ટેરિયલ ચેપ પણ આ માટે જવાબદાર હોઈ શકે છે.

લો બ્લડ પ્રેશરની સમસ્યાથી પીડિત લોકો પણ આ સમસ્યાનો ઝડપથી શિકાર થઈ જાય છે. લાંબા સમય સુધી તણાવ અને કોઈપણ પ્રકારના હોર્મોનલ અસંતુલનને કારણે પણ આ સમસ્યા થઈ શકે છે.

ક્રોનિક ફટીગ સિન્ડ્રોમમાં શું કરવું?

• કેફીનનું સેવન ઓછું કરો.
• આલ્કોહોલ અને નિકોટિન પર પણ નિયંત્રણ રાખો.
• થાક દૂર કરવા માટે દિવસ દરમિયાન સૂવાની ટેવ સારી નથી. કારણ કે તેનાથી રાતની ઊંઘમાં ખલેલ પહોંચે છે.
• તમારું ઓફિસનું કામ ત્યાં જ પૂરું કરો અને ઘરે બેસીને પૂરું કરવાનો પ્રયાસ ન કરો.
• નાની નાની બાબતોમાં તણાવ લેવાની આદત છોડો.
• શરીરને સક્રિય અને ઊર્જાવાન રાખવા માટે કસરત કરો.
• વધુ પડતા વર્કઆઉટને પણ ટાળો.