VIDEO: સ્વાઇન ફ્લૂ બન્યો જીવલેણ! જાણો તેના લક્ષણો અને બચવાના સરળ ઉપાય

જો તમે અમદાવાદમાં રહો છો, તો તમે સ્વાઇન ફ્લૂનો ભોગ બની શકો છો. આમ તો H1N1 એટલે કે સ્વાઇન ફ્લૂ શ્વાસ સંબંધિત બીમારી છે. આ વાયરસ મુખ્યત્વે નાક, ગળા અને ફેફસાંને અસર કરે છે. પરંતુ ગંભીર ચેપ લાગવાના કિસ્સામાં તેની અસર શરીરના અન્ય અંગો પર પણ પડી શકે છે.

ડૉક્ટરે જણાવ્યું છે કે કેટલાક દર્દીઓમાં H1N1 ઇન્ફેક્શન હૃદય પર દબાણ વધારી રહ્યું છે. આ બીમારી પહેલાથી હૃદય રોગ ધરાવતા દર્દીઓની સ્થિતિ વધુ ગંભીર બનાવી શકે છે. આવી સ્થિતિમાં જે લોકોને પહેલાથી હૃદય રોગ, હાઇ બ્લડ પ્રેશર કે હૃદય સંબંધિત અન્ય કોઈ જોખમ હોય, તેણે વધુ સાવચેતી રાખવી જરૂરી છે. અત્યંત દુર્લભ કિસ્સાઓમાં આ ઇન્ફેક્શન હૃદયના સ્નાયુઓમાં સોજો પણ ઉત્પન્ન કરી શકે છે. તેથી જ તેના લક્ષણોને સમયસર ઓળખી લેવા ખૂબ જ જરૂરી છે.

H1N1 હૃદયને કેવી રીતે અસર કરે છે?

નિષ્ણાતોના જણાવ્યા અનુસાર, ફ્લૂનો ચેપ શરીરમાં સોજાની પ્રક્રિયા વધારે છે. તેનાથી હૃદયના ધબકારા ઝડપી થાય છે અને હૃદય પર કામનું ભારણ વધી જાય છે. તીવ્ર તાવ, ડીહાઇડ્રેશન (શરીરમાં પાણીની કમી) અને ઓક્સિજનની ઉણપ આ દબાણને વધુ ગંભીર બનાવે છે. જે લોકોની રક્તવાહિનીઓમાં પહેલાથી કોઈ તકલીફ હોય, તેમનામાં ચેપના કારણે સોજો વધવાથી હાર્ટ અટેકનું જોખમ વધી શકે છે.

માયોકાર્ડાઇટિસનું જોખમ

કેટલાક દુર્લભ કિસ્સાઓમાં આ વાયરસ હૃદયના સ્નાયુઓમાં સોજો લાવી શકે છે. આ સ્થિતિને 'માયોકાર્ડાઇટિસ' કહેવામાં આવે છે. તેનાથી હૃદયની પમ્પ કરવાની ક્ષમતા પ્રભાવિત થાય છે અને ધબકારા અનિયમિત થઈ શકે છે. ગંભીર પરિસ્થિતિમાં આ સમસ્યા હાર્ટ ફેલિયરનું કારણ પણ બની શકે છે.

કયા લક્ષણો પર તરત જ ધ્યાન આપવું?

H1N1 દરમિયાન જો છાતીમાં દુખાવો કે દબાણ, શ્વાસ લેવામાં તકલીફ, અસામાન્ય રીતે ઝડપી ધબકારા, અતિશય નબળાઈ, ચક્કર આવવા કે અચાનક પરસેવો થવા જેવા લક્ષણો જણાય, તો તેને સામાન્ય ફ્લૂ સમજીને અણગણવા ન જોઈએ. ખાસ કરીને હૃદય રોગના દર્દીઓમાં આવા લક્ષણો દેખાય ત્યારે તરત જ ડૉક્ટરનો સંપર્ક કરવો જોઈએ.

કયા લોકોએ વધુ સાવચેતી રાખવી?

વૃદ્ધો, હૃદય રોગથી પીડાતા લોકો અને અન્ય ગંભીર બીમારી ધરાવતા દર્દીઓમાં ફ્લૂની જટિલતાઓનું જોખમ વધુ રહે છે. આવા લોકોએ ચેપ દરમિયાન પૂરતો આરામ કરવો, પૂરતા પ્રમાણમાં પાણી પીવું અને ડૉક્ટરની સલાહનું ચુસ્તપણે પાલન કરવું જોઈએ.

નોંધ: આ આર્ટિકલ તમને જાગૃત કરવાના હેતુથી લખવામાં આવ્યો છે.