પેપ્સી, કુરકુરે અને હૉર્લિક્સ સ્વાસ્થ્ય માટે હાનિકારક, રિપોર્ટમાં થયો મોટો ખુલાસો

પેપ્સીકો, યુનિલિવર અને ડેનોન જેવી વૈશ્વિક પેકેજ્ડ ફૂડ કંપનીઓ ભારત અને અન્ય ઓછી આવક ધરાવતા દેશોમાં ઓછા આરોગ્યપ્રદ ઉત્પાદનોનું વેચાણ કરી રહી છે. આ આરોપ ગ્લોબલ પબ્લિક નોન-પ્રોફિટ ફાઉન્ડેશન એક્સેસ ટુ ન્યુટ્રિશન ઇનિશિયેટિવ (એટીએનઆઈ)ના નવા ઈન્ડેક્સ રિપોર્ટમાં લગાવવામાં આવ્યો છે. ATNI ગ્લોબલ ઈન્ડેક્સના અહેવાલ મુજબ, આ કંપનીઓ ઓછી આવક ધરાવતા દેશોમાં એવા ઉત્પાદનોનું વેચાણ કરી રહી છે કે જેઓ ઉચ્ચ આવક ધરાવતા દેશોમાં વેચવામાં આવતા ઉત્પાદનો કરતાં નોંધપાત્ર રીતે ઓછા આરોગ્ય સ્ટાર રેટિંગ ધરાવે છે. અહેવાલમાં ઈથોપિયા, ઘાના, ભારત, કેન્યા, નાઈજીરીયા, પાકિસ્તાન, ફિલિપાઈન્સ, તાન્ઝાનિયા અને વિયતનામનો સમાવેશ નીચી અને નીચી-મધ્યમ આવક ધરાવતા દેશો તરીકે કરવામાં આવ્યો છે.

આ પણ વાંચો : હરસ મસાને જડમૂળમાંથી દૂર કરશે આ ઘરગથ્થુ ઉપાય, અસહ્ય પીડામાંથી મળશે તરત રાહત

સારા ઉત્પાદનો ફક્ત યુરોપમાં જ વેચાય છે

અહેવાલ મુજબ, ઉદાહરણ તરીકે, પેપ્સીકો લેઝ ચિપ્સ અને ટ્રોપીકાના જ્યુસનું વેચાણ કરે છે, તેણે તેના "ન્યુટ્રી-સ્કોર A/B" ઉત્પાદનોના વેચાણમાં વધારો કરવાનો લક્ષ્યાંક નિર્ધારિત કર્યો છે, પરંતુ આ લક્ષ્ય માત્ર યુરોપિયન યુનિયનના નાસ્તાના પોર્ટફોલિયો પૂરતું મર્યાદિત છે. યુનિલિવરની ફૂડ પ્રોડક્ટ્સમાં ક્વાલિટી વોલ્સ, મેગ્નમ આઈસ્ક્રીમ, નોર સૂપ અને રેડી-ટુ-કુક મિક્સનો સમાવેશ થાય છે. જ્યારે ડેનોન ભારતમાં પ્રોટીનેક્સ સપ્લીમેન્ટ્સ અને એપ્ટામિલ ઇન્ફન્ટ ફોર્મ્યુલાનું વેચાણ કરે છે.

30 કંપનીઓની રેંકિંગ કર્યું

આ NGOએ એવી 30 કંપનીઓને રેંકિંગ આપ્યો છે કે જેમના સ્વાસ્થ્યના સ્કોર વિકસિત અને ઓછી આવક ધરાવતા દેશો વચ્ચે મોટો તફાવત છે. આ સ્ટાર રેટિંગ સિસ્ટમ ઓસ્ટ્રેલિયા અને ન્યુઝીલેન્ડમાં વિકસાવવામાં આવી છે. આ પ્રથમ વખત છે જ્યારે ATNI ઇન્ડેક્સે ઓછી અને ઉચ્ચ આવક ધરાવતા દેશોમાં સ્કોરને તોડ્યો છે. ભારતમાં કાર્યરત મુખ્ય કંપનીઓમાં પેપ્સીકો, ડેનોન અને યુનિલિવરનો સમાવેશ થાય છે.

કોને કયો સ્કોર મળ્યો?

હેલ્થ સ્ટાર રેટિંગ સિસ્ટમ હેઠળ, યુએસ સ્થિત એટીએનઆઈ ઇન્ડેક્સ અનુસાર, ઉત્પાદનોને 5 પોઈન્ટમાંથી તેમના સ્વાસ્થ્ય સ્કોરના આધારે રેટ કરવામાં આવે છે. જેમાં 5 શ્રેષ્ઠ સ્કોર છે અને 3.5થી ઉપરનો સ્કોર સ્વસ્થ ગણાય છે. ઓછી આવક ધરાવતા દેશોમાં ખાદ્ય કંપનીઓના પોર્ટફોલિયોનું પરીક્ષણ કરવામાં આવ્યું હતું અને 1.8ના સ્કોર પર રેન્કિંગ કરવામાં આવ્યું હતું. જ્યારે ઉચ્ચ આવક ધરાવતા દેશોમાં આવા ઉત્પાદનોને સરેરાશ 2.3નો સ્કોર મળ્યો હતો.