Health Tips: શરીરમાં આ લક્ષણો દેખાય તો સમજો વધી રહ્યું છે ઝડપથી કોલેસ્ટ્રોલનું સ્તર
છેલ્લું અપડેટ : 15 Jul 2025
કોલેસ્ટ્રોલ એક એવી સમસ્યા છે જે વ્યક્તિમાં વધારો થાય તો તેને અનેક ગંભીર રોગોનો ભોગ બનાવી શકે છે. તે શરીરના દરેક કોષમાં જોવા મળતી ચરબીનો એક પ્રકાર છે. તે હોર્મોન્સ, વિટામિન ડી અને પાચનમાં મદદ કરતા પદાર્થોના ઉત્પાદન માટે જરૂરી છે. આમ તો શરીર તેને પોતાની જાતે ઉત્પન્ન કરે છે, પરંતુ તે ખોરાકમાંથી પણ મળે છે. બે પ્રકારના કોલેસ્ટ્રોલ હોય છે, એક ખરાબ અને બીજું સારું. ખરાબ કોલેસ્ટ્રોલ ધમનીઓમાં એકઠા થઈને પ્લેક બનાવી શકે છે, જે હૃદય રોગનું જોખમ વધારે છે. બીજી તરફ સારું કોલેસ્ટ્રોલ ધમનીઓમાંથી વધારાનું કોલેસ્ટ્રોલ દૂર કરે છે અને હૃદયના સ્વાસ્થ્યને સુધારવામાં મદદ કરે છે. જ્યારે કોલેસ્ટ્રોલનું સ્તર ખૂબ ઊંચું થઈ જાય છે, ત્યારે શરીરમાં કેટલાક લક્ષણો દેખાય છે. અહીં જાણો શકો છો આ શરૂઆતના લક્ષણો...
કોલેસ્ટ્રોલનું સ્તર વધે ત્યારે શરીરમાં જોવા મળતા શરૂઆતના લક્ષણો
1) પગમાં દુખાવો અથવા અસ્વસ્થતા
ખાસ કરીને કસરત દરમિયાન અથવા પછી પગમાં દુખાવો અથવા ખેંચાણ, PADના સંકેતો હોઈ શકે છે, જે ઉચ્ચ કોલેસ્ટ્રોલ સાથે જોડાયેલ છે.
2) શ્વાસ લેવામાં તકલીફ
જ્યારે કોલેસ્ટ્રોલ વધે છે, ત્યારે ફેફસાંમાં લોહી પહોંચાડતી ધમનીઓ સાંકડી થવાને કારણે શ્વાસ લેવામાં તકલીફ થઈ શકે છે.
3) થાક અને નબળાઈ
ઉચ્ચ કોલેસ્ટ્રોલને કારણે લોહી અને ઓક્સિજનનો અભાવ થાક અને નબળાઈનું કારણ બની શકે છે.
4) નિષ્ક્રિયતા અથવા ઝણઝણાટ
હાથ અને પગમાં લોહીનો અભાવ હાથ, પગ અથવા અન્ય ભાગોમાં નિષ્ક્રિયતા અથવા ઝણઝણાટનું કારણ બની શકે છે.
5) છાતીમાં દુખાવો
કોલેસ્ટ્રોલના સંચયને કારણે હૃદયમાં લોહીનો પ્રવાહ ઓછો થવાથી છાતીમાં દુખાવો અથવા અસ્વસ્થતા થઈ શકે છે, ખાસ કરીને કોઈપણ શારીરિક પ્રવૃત્તિ કરતી વખતે.
6) ઠંડા હાથ અને પગ
ઉચ્ચ કોલેસ્ટ્રોલને કારણે લોહીનો પ્રવાહ ઓછો થવાથી હાથ અને પગમાં તાપમાનમાં ફેરફાર થઈ શકે છે.
7) ગરદન, જડબા અથવા પીઠના ઉપરના ભાગમાં દુખાવો
આ સ્ત્રીઓમાં સામાન્ય છાતીના દુખાવાને બદલે લક્ષણો હોઈ શકે છે.
ખાસ નોંધ: આ સમાચાર માત્ર તમને જાગૃત કરવાના હેતુથી લખવામાં આવ્યા છે. વધુ જાણકારી માટે ડોક્ટરની સલાહ જરૂર લેવી.
