મોબાઈલ ફોનમાંથી નીકળતી બ્લુ લાઈટ બાળકોની આંખોને પહોંચાડે છે નુકસાન, આ પદ્ધતિઓથી કરો બચાવ

આજના ડિજિટલ યુગમાં, સ્માર્ટફોન, ટેબ્લેટ, કમ્પ્યુટર અને ટીવી આપણા રોજિંદા જીવનનો એક મહત્ત્વપૂર્ણ ભાગ બની ગયા છે. બાળકો આ ડિવાઈઝનો ઉપયોગ ઓનલાઈન ક્લાસ, ગેમિંગ અને મનોરંજન માટે પણ કરે છે. જોકે, તેમાંથી નીકળતી બ્લુ લાઈટ બાળકોની આંખો અને સ્વાસ્થ્ય માટે હાનિકારક હોઈ શકે છે.

આ પણ વાંચો :

Health Tips / ખોરાક જ નહીં, સવારની આ 5 આદતો પણ કિડનીને રાખશે સ્વસ્થ; દૂર રહેશે બીમારી

Health Tips / દરેક માટે ફાયદાકારક નથી ગ્રીન ટી, આ લોકોએ તેને પીવાનું ટાળવું જોઈએ

આ દરેક ઈલેક્ટ્રોનિક ડિવાઈઝમાંથી બ્લુ લાઈટ નીકળે છે, જેની કાળજી ન લેવામાં આવે તો, આંખોને, ખાસ કરીને બાળકોની આંખોને નુકસાન પહોંચાડી શકે છે. ચાલો જાણીએ કે બ્લુ લાઈટ બાળકોની આંખોને કેવી રીતે નુકસાન પહોંચાડે છે અને તેનાથી બચવા માટે શું કરવું.

બ્લુ લાઈટ કેમ હાનિકારક છે?

આંખો પર તણાવ - લાંબા સમય સુધી સ્ક્રીન પર જોવાથી થાક, ડ્રાયનેસ અને આંખોમાં બળતરા થઈ શકે છે.

આ પણ વાંચો :

Health / કેવી રીતે ખબર પડશે કે ઊંઘ પૂરી નથી થઈ રહી? જાણો તેનાથી શરીર પર શું અસર થશે

Health / આ 5 કારણોથી અખરોટને કહેવામાં આવે છે Brain Food, ફાયદા જાણીને તમે પણ ખાવાનું શરૂ કરી દેશો

ઊંઘમાં ખલેલ - બ્લુ લાઈટ મેલાટોનિન હોર્મોન ઘટાડે છે, જે ઊંઘની પેટર્નને વધુ ખરાબ કરે છે.

વિઝનની સમસ્યાઓ - લાંબા સમય સુધી એક્સપોઝરના કારણે માયોપિયા અને રેટિનાને નુકસાન થવાનું જોખમ વધી શકે છે.

બાળકોની આંખોને બ્લુ લાઈટથી બચાવવા માટેની ટિપ્સ

સ્ક્રીન ટાઈમ ઓછો કરો - 2થી 5 વર્ષની વયના બાળકોને દરરોજ 1 કલાકથી વધુ સ્ક્રીન ટાઈમ ન આપવો જોઈએ. મોટા બાળકો માટે પણ મર્યાદિત સમય નક્કી કરો અને તેમને વચ્ચે બ્રેક લેવા માટે કહો.

20-20-20 નિયમનું પાલન કરો - દર 20 મિનિટે 20 સેકન્ડ માટે 20 ફૂટ દૂર કોઈ વાસ્તુ જોવાથી આંખના સ્નાયુઓને આરામ મળે છે. આ નિયમ ડિજિટલ આઈ સ્ટ્રેનને ઘટાડવામાં મદદ કરે છે.

બ્લુ લાઈટ ફિલ્ટર ચશ્મા અથવા સ્ક્રીન પ્રોટેક્ટરનો ઉપયોગ કરો - બ્લુ લાઈટ બ્લોકિંગ ચશ્મા અને સ્ક્રીન પ્રોટેક્ટર બજારમાં ઉપલબ્ધ છે. આ આંખોને હાનિકારક કિરણોથી બચાવે છે.

ડિવાઈઝની બ્રાઈટનેસ અને કોન્ટ્રાસ્ટને એડજસ્ટ કરો - આસપાસના વાતાવરણ અનુસાર સ્ક્રીનની બ્રાઈટનેસ સેટ કરો. રાત્રે નાઈટ મોડ અથવા વાર્મ લાઈટ ફિલ્ટરનો ઉપયોગ કરો.

સૂવાના 1-2 કલાક પહેલા સ્ક્રીનનો ઉપયોગ બંધ કરો - બ્લુ લાઈટ મેલાટોનિન હોર્મોનને દબાવી દે છે, જે ઊંઘ પર અસર કરે છે. તેથી, સૂતા પહેલા બાળકોને મોબાઈલ અથવા ટીવીથી દૂર રાખો.

બહારની પ્રવૃત્તિઓને પ્રોત્સાહન આપો - કુદરતી પ્રકાશમાં રમવાથી બાળકોની આંખના સ્નાયુઓ મજબૂત બને છે. દરરોજ ઓછામાં ઓછા 1-2 કલાક બહાર રમવાની આદત પાડો.

આંખની નિયમિત તપાસ કરાવો - વર્ષમાં એકવાર બાળકોની આંખોની તપાસ કરાવવી મહત્ત્વપૂર્ણ છે. જો બાળક આંખમાં દુખાવો અથવા ધૂંધળું દેખાવાની ફરિયાદ કરે છે, તો તાત્કાલિક ડોક્ટરનો સંપર્ક કરો.

બ્લુ લાઈટને સંપૂર્ણપણે ટાળવી શક્ય નથી, કારણ કે તે આપણા રોજિંદા જીવનનો એક ભાગ બની ગયો છે. જો કે, યોગ્ય સાવચેતી રાખીને, આપણે તેની આડઅસરો ઘટાડી શકીએ છીએ.