શું તમે પણ વારંવાર ફોન જુઓ છો? સ્વાસ્થ્ય માટે તમારી આ આદત છે અત્યંત હાનિકારક!
છેલ્લું અપડેટ : 10 Oct 2026
દર પાંચ મિનિટમાં ફોન જોવાની આદતને સામાન્ય સમજવી યોગ્ય નથી. ઘણા લોકો વગર કોઈ જરૂરી કામના વારંવાર મોબાઈલ ચેક કરતા રહે છે. સૂચના કે મેસેજ ન આવવા છતાં પણ ફોન જોવાની આ આદત ધીમે-ધીમે રોજિંદા કામ, ધ્યાન, ઊંઘ અને તણાવ પર અસર કરી શકે છે. ડૉક્ટર જણાવે છે કે દર પાંચ, દસ કે અડધા કલાકમાં વારંવાર ફોન ચેક કરવો કામ વચ્ચે અડચણ ઊભી કરે છે અને તેનાથી રોજિંદા કામ પર ખોટી અસર પડી શકે છે.
દર પાંચ મિનિટમાં ફોન જોવો યોગ્ય નથી
ડૉક્ટર જણાવે છે કે જો કોઈ વ્યક્તિ દર પાંચ કે દસ મિનિટમાં મોબાઈલ ચેક કરે છે તો આ આદત સાચી નથી. વારંવાર ફોન જોવાના કારણે વ્યક્તિ જે કામમાં લાગેલા હોય છે, તેમાં અડચણ આવે છે. જોકે કેટલીક પરિસ્થિતિઓમાં ફોન ચેક કરવો જરૂરી હોઈ શકે છે. જેમ કે કોઈ ફ્લાઇટ કે ટ્રેનના રિઝર્વેશનની રાહ જોવી અથવા કોઈ વ્યક્તિના આવવાની રાહ જોવી. આવી સ્થિતિમાં વારંવાર ફોન જોવો સમજમાં આવે છે. પરંતુ વગર કોઈ ખાસ કાણર વારંવાર મોબાઈલ ચેક કરવાથી રોજિંદા કામ અને તણાવ પર ખોટી અસર પડી શકે છે.
ડૉક્ટર જણાવે છે કે મેસેજ છૂટી જવાની ચિંતા પણ વારંવાર ફોન જોવાની પાછળ એક કારણ જિજ્ઞાસા પણ હોય છે. વ્યક્તિને લાગે છે કે કદાચ કોઈ નવો મેસેજ આવ્યો હશે અને ક્યાંક તે તેને મિસ ન કરી દે. પરંતુ કોઈ મેસેજને 15 મિનિટ કે અડધા કલાક પછી જોવાથી જીવનમાં કોઈ મોટો બદલાવ નથી થવાનો. વારંવાર ફોન ચેક કરવાથી કામમાં અડચણ આવે છે, કાર્યક્ષમતા પ્રભાવિત થાય છે અને તણાવ પણ વધી શકે છે. તેની અસર વ્યક્તિના ધ્યાન અને માનસિક સ્વાસ્થ્ય પર પણ પડી શકે છે.
રાત્રે ફોન જોવાથી ઊંઘ પર અસર
ડૉક્ટર જણાવે છે કે ઊંઘ માટે શરીર અને મગજનું રિલેક્સ થવું જરૂરી છે. જો કોઈ વ્યક્તિ રાત્રે દર પાંચ, 10 કે 15 મિનિટમાં ફોન ચેક કરતો રહે છે તો તેનું ધ્યાન વારંવાર ભટકે છે. ફોનનો પ્રકાશ પણ મગજને ઉત્તેજિત કરે છે. આ સિવાય ફોન પર ઓડિયો અને વીડિયો જોવાથી પણ મગજ સક્રિય રહે છે. જ્યારે સારી ઊંઘ માટે અંધારું અને મગજનું શાંત હોવું જરૂરી છે. આ સ્થિતિમાં રાત્રે વારંવાર ફોન જોવાથી ઊંઘ પ્રભાવિત થઈ શકે છે.
લાંબા સમય સુધી આદત રહે તો તણાવ વધી શકે છે
ડૉક્ટર જણાવે છે કે જો કોઈ વ્યક્તિ રોજ લાંબા સમય સુધી વારંવાર ફોન જોવાની આદત રાખે છે અને તેનાથી તેની ઊંઘ પ્રભાવિત થતી રહે છે તો તેની અસર માનસિક અને શારીરિક સ્વાસ્થ્ય પર પણ પડી શકે છે. તણાવ અને એન્ઝાયટી જેવી પરેશાનીઓ વધી શકે છે. આની સાથે જ કામ કરવાની ક્ષમતા અને ધ્યાન પર પણ તેની ખરાબ અસર પડી શકે છે.
ફોન જોવાની આદત કેવી રીતે ઓછી કરવી
ડૉક્ટર જણાવે છે કે ફોન જોવાની આદત ઓછી કરવા માટે સૌથી પહેલાં પોતાના માટે એક સમય નક્કી કરી શકાય છે. વ્યક્તિ એ નક્કી કરી શકે છે કે વારંવાર ફોન ચેક નથી કરવો અને થોડા કલાકનું અંતર રાખવું છે. રાત્રે જો સૂવાનો સમય 10 વાગ્યાનો હોય તો આઠ કે સાડા આઠ વાગ્યાની આસપાસ ફોનને પોતાનાથી દૂર મૂકી દેવો વધુ સારું છે. જોકે કોઈ જરૂરી કૉલની સ્થિતિમાં ફોન ઉપાડી શકાય છે. પરંતુ વગર કોઈ જરૂરિયાતના વારંવાર મેસેજ કે ફોન ચેક કરવાની આદતથી બચવું જોઈએ.
